شي جينپيڭ ءۇش ەلگە مەملەكەتتىك ساپارمەن بارادى

استانا. KAZINFORM - قىتاي حالىق رەسپۋبليكاسىنىڭ ءتوراعاسى شي جينپيڭ وڭتۇستىك- شىعىس ازيانىڭ ءۇش ەلىنە مەملەكەتتىك ساپارمەن بارادى. بۇل تۋرالى ق ح ر سىرتقى ىستەر مينيسترلىگى 11-ءساۋىر كۇنى مالىمدەدى.

رەسمي اقپاراتقا سايكەس، قىتاي كوممۋنيستىك پارتياسى ورتالىق كوميتەتىنىڭ باس حاتشىسى، ق ح ر ءتوراعاسى شي جينپيڭ ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لامنىڭ جانە ۆەتنام سوتسياليستىك رەسپۋبليكاسىنىڭ ءتوراعاسى چىونگ تان شانگتىڭ شاقىرۋىمەن 14-15-ءساۋىر ارالىعىندا ۆەتنامعا مەملەكەتتىك ساپارى بولادى.

سونىمەن قاتار مالايزيا جوعارعى بيلەۋشىسى يبراھيم يسمايل جانە كامبودجا كورولى نورودوم سيامونينىڭ شاقىرۋىمەن، شي جينپيڭ 15-18-ءساۋىر كۇندەرى مالايزيا مەن كامبودجاعا دا مەملەكەتتىك ساپارمەن بارادى.

ايتا كەتەيىك، بۇل قىتاي باسشىسىنىڭ 2025 -جىلعى العاشقى شەتەلدىك ساپارى بولماق. سوڭعى رەت شي جينپيڭ 2023 -جىلعى جەلتوقسان ايىندا ۆەتنامعا مەملەكەتتىك ساپارمەن بارعان ەدى.

ساپار اياسىندا قىتاي مەن اتالعان ەلدەر اراسىنداعى ەكىجاقتى قاتىناستاردى ودان ءارى نىعايتۋ، ايماقتىق ىنتىماقتاستىقتى كەڭەيتۋ، سونداي-اق ساۋدا-ەكونوميكالىق جانە مادەني بايلانىستاردى تەرەڭدەتۋ ماسەلەلەرى قارالادى دەپ جوسپارلانعان.

ايتا كەتەيىك، ازەربايجان قىتايمەن قورعانىس سالاسى بويىنشا ديالوگتى باستادى.

اۆتور

مۇقتار مۇرات