شي جينپيڭ «ءبىر بەلدەۋ، ءبىر جول» باستاماسىن بىرلەسىپ سالۋعا شاقىردى

بەيجىڭ. KAZINFORM - «ءبىر بەلدەۋ، ءبىر جول» باستاماسىنىڭ قۇرىلىسى جوعارى ساپالى دامۋدىڭ جاڭا كەزەڭىنە اياق باستى. بۇل تۋرالى ق ح ر ءتوراعاسى شي جينپيڭ «ءبىر بەلدەۋ، ءبىر جول» باستاماسىنا ارنالعان سيمپوزيۋم بارىسىندا مالىمدەدى، دەپ حابارلايدى Xinhua اقپارات اگەنتتىگى.

ق ح ر ءتوراعاسى «ءبىر بەلدەۋ، ءبىر جول» باستاماسى اياسىندا جوعارى ساپالى ىنتىماقتاستىق تەتىكتەرىن كۇشەيتۋ، جوسپارلاۋ، ۇيلەستىرۋ جانە باسقارۋ تەتىكتەرىن جەتىلدىرۋ قاجەتتىگىن اتاپ ءوتتى.

بۇگىندە قىتاي 150 دەن استام ەل جانە 30 دان استام حالىقارالىق ۇيىممەن «ءبىر بەلدەۋ، ءبىر جول» اياسىنداعى ىنتىماقتاستىق تۋرالى قۇجاتتارعا قول قويدى.

ق ح ر ساۋدا مينيسترلىگىنىڭ مالىمەتىنشە، 2023 -جىلدىڭ اياعىندا قىتايلىق كومپانيالار «ءبىر بەلدەۋ، ءبىر جول» باستاماسىنا قاتىسۋشى ەلدەردە 17 مىڭ شەتەلدىك كاسىپورىن قۇردى، تىكەلەي ينۆەستيتسيانىڭ جالپى كولەمى 330 ميلليارد دوللاردان استى، ال باستامالار اياسىندا شەتەلدە اشىلعان ساۋدا- ەكونوميكالىق ىنتىماقتاستىق ايماقتارى 530 مىڭ جۇمىس ورنىن اشۋعا مۇمكىندىك بەردى.

2024 -جىلدىڭ العاشقى 10ايىندا قىتايدىڭ «ءبىر بەلدەۋ، ءبىر جول» باستاماسىنا قاتىسۋشى ەلدەرمەن ساۋداسى ءبىر جىلدا% 6,2 عا ءوستى.

«ءبىر بەلدەۋ، ءبىر جول» باستاماسى قىتاي 2013 -جىلى باستاعان «جىبەك جولىنىڭ ەكونوميكالىق بەلدەۋى» جانە «ХХІ عاسىر تەڭىز جىبەك جولى» جوبالارىن بىرىكتىرەدى. 2024 -جىلى «بەلدەۋ جانە جول» اياسىنداعى ىنتىماقتاستىقتىڭ ەكىنشى ونجىلدىعىنا كەرى ساناق باستالدى.

ەسكە سالساق، قىتاي حالىق رەسپۋبليكاسىمەن شەتەلدىك رۇقسات بلانكىسىن الماسۋ بۇدان بىلاي ەلەكتروندى فورماتتا جۇزەگە اسادى.