شەتەلدىكتەردى قازاقستان اۋماعى ارقىلى ەۋروپاعا زاڭسىز وتكىزۋمەن اينالىسقان توپ قۇرىقتالدى
2023-جىلعى 18- قىركۇيەكتە الماتى قالاسىندا ۇلتتىق قاۋىپسىزدىك كوميتەتى زاڭسىز كوشى- قون ارناسىن ۇيىمداستىردى جانە پارا بەردى دەگەن كۇدىكپەن قازاقستاننىڭ ەكى ازاماتى مەن شەتەلدىكتى ۇستادى.
تەرگەۋ بولجامى بويىنشا، ولار زاڭسىز ميگرانتتاردى قازاقستان اۋماعى ارقىلى ەۋروپا ەلدەرىنە وتكىزۋدى جوسپارلاعان، دەپ حابارلايدى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
ءتىنتۋ بارىسىندا قولدان جاسالعان قۇجاتتار، سونداي-اق ءبىرقاتار شەت مەملەكەتتەردىڭ وتكىزۋ پۋنكتتەرىنىڭ كۇنى كورسەتىلگەن ءمورتابان تاڭبالارى انىقتالدى.
ماتەريالدار قىلمىستىق كودەكستىڭ 367- جانە 394-باپتارى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلدى.
«قىلمىستىق-پروتسەسسۋالدىق كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى»، - دەلىنگەن ۇ ق ك باسپا ءسوز قىزمەتى تاراتقان اقپاراتتا.