شەتەلدىكتەرگە چەحيا پارتيالارىنا كىرۋگە رۇقسات بەرىلۋى مۇمكىن
استانا. KAZINFORM - ەۋروپالىق وداق ازاماتتارى چەحيانىڭ ساياسي پارتيالارىنا مۇشە بولا الادى، دەپ حابارلايدى ازەرتادج.
بۇل تومەنگى پالاتا ماقۇلداعان جانە سەناتورلاردىڭ قاراۋىنا جىبەرىلگەن زاڭ جوباسىندا ەسكەرىلگەن. زاڭ جوباسىنا سايكەس، «چەحيا پارتياسى مەن قوزعالىسىنىڭ مۇشەسى 18 جاسقا تولعان جانە چەح رەسپۋبليكاسىندا تۇراقتى نەمەسە ۋاقىتشا تۇرۋعا رۇقساتى بار ە و- عا مۇشە باسقا مەملەكەتتىڭ ازاماتى دا بولا الادى».
جوعارعى پالاتا وكىلدەرى زاڭ جوباسى بويىنشا ءبىر اي ىشىندە پىكىر ءبىلدىرۋى ءتيىس، سودان كەيىن ول پرەزيدەنت پەتر پاۆەلگە قول قويۋعا جىبەرىلەدى. ەگەر تۇزەتۋ قابىلدانسا، جاڭا ەرەجەلەر زاڭ مەملەكەتتىك رەەستردە جاريالانعاننان كەيىنگى كۇنى كۇشىنە ەنەدى.
چەح زاڭ شىعارۋشىلارى بۇل قادامدى ەو سوتىنىڭ وتكەن جىلدىڭ 19-قاراشاسىنداعى شەشىمىنە جاۋاپ رەتىندە جاساپ وتىر. سوت چەحياداعى تەك چەح ازاماتتارى عانا ۇلتتىق پارتياعا مۇشە بولا الاتىن تاجىريبە ە و- نىڭ باسقا تۇرعىندارىنىڭ قۇقىقتارىن بۇزادى دەپ ەسكە سالدى. ەگەر ساياساتكەرلەر وزگەرىستەرگە قول جەتكىزبەسە، چەحيا سوت ىستەرى مەن قارجىلىق سانكسيالار قاۋپىنە ۇشىرايدى.
بۇعان دەيىن چەحيانىڭ ۇلتتىق بانكى ە و- دا كريپتواكتيۆتەردىڭ العاشقى ۇستاۋشىسى اتانۋى مۇمكىن ەكەنى ايتىلدى.