شەتەلدىك تۋريستەر قازاقستاندا ءبىر جىلدا 1,2 تريلليون تەڭگە جۇمساعان
استانا. KAZINFORM - تۋريزم جانە سپورت ءمينيسترىنىڭ ورىنباسارى ەرجان ەركىنبايەۆتىڭ ايتۋىنشا، بىلتىر ەلگە كەلگەن شەتەلدىك تۋريستەر 1 تريلليون تەڭگەدەن استام اقشا قالدىرعان.
- شەتەلدىك تۋريستەردى تارتۋ ەكونوميكانى دامىتۋدا شەشۋشى ءرول اتقارادى. شەتەلدىك تۋريستەر 2024-جىلى ەلىمىزدىڭ اۋماعىندا 1,2 تريلليون تەڭگەدەن استام قاراجات جۇمسادى، بۇل ەكونوميكاعا جاقسى ۇلەس. 2024-جىلعى 9 ايدا شەتەلدىك كەلۋشىلەردىڭ سانى 968 مىڭ ادام بولدى. كەلۋشى تۋريستەر سانىنىڭ ەداۋىر ءوسۋى الماتى (6)، قىزىلوردا (1) جانە جەتىسۋ (b,1) وبلىستارىندا تىركەلدى. شەتەلدىك تۋريستەردى تارتۋ بويىنشا ايماقتار بولىنىسىندە كەيبىر ايماقتاردا وتكەن جىلمەن سالىستىرعاندا تەرىس ديناميكا بار، - دەدى ول.
ونىڭ سوزىنشە، ەلدەگى قوناقۇيلەردىڭ ءبارى ءبىر مەزەتتە 226 مىڭ ادامدى قابىلداۋعا قاۋقارلى.
- ورنالاستىرۋ ورىندارىنىڭ سانى 4315 كە جەتتى. ءبىرجولعى سىيىمدىلىق 226 مىڭنان استام توسەك- ورىنعا جەتتى. قوناق ۇيلەردى، دەمالىس بازالارىن قوسا العاندا، ورنالاستىرۋ وبەكتىلەرىنىڭ جيىنتىق تابىسى 224 ميلليارد تەڭگە بولدى. تۋريستىك سالادا 538 مىڭ ادام جۇمىسپەن قامتىلعان. بۇل 2023-جىلدىڭ سايكەس كەزەڭىمەن سالىستىرعاندا %7 جوعارى، - دەدى ەرجان ەركىنبايەۆ.
بۇعان دەيىن وزبەكستان مەن يران بىرلەسكەن تۋريزم كوميتەتىن قۇرۋى ىقتيمال ەكەنى ءمالىم بولعان.