شەتەلدىك تۋريستەر قاراجاتىنىڭ 50 پايىزىن جاتىن ورىنعا جۇمسايدى

الماتى. KAZINFORM - الماتى - ەلىمىزدەگى باستى تۋريستىك ورتالىقتاردىڭ ءبىرى. وتكەن جىلى مەگاپوليسكە جارتى ميلليونعا جۋىق شەتەلدىك تۋريست كەلگەن. وسى ورايدا، Kazinform تىلشىسىنە قالالىق تۋريزم باسقارما باسشىسىنىڭ ورىنباسارى اقمارال ەشانوۆا شاھاردىڭ تۋريستىك الەۋەتى تۋرالى ايتىپ بەردى.

ونىڭ ايتۋىنشا، الماتىعا شەتەلدىك تۋريستەردى تارتۋ قالانىڭ جانە ايماقتىڭ ەكونوميكالىق دامۋى ءۇشىن وتە ماڭىزدى.

- تۋريستەر الماتىنى دەمالىس ورنى رەتىندە تاڭداۋى جەرگىلىكتى ەكونوميكانىڭ وسۋىنە بەلسەندى ىقپال ەتەدى. اتاپ ايتساق، تۋريزم - الماتىداعى ەڭ نەگىزگى جۇمىس سالالارىنىڭ ءبىرى. 2023 -جىلدىڭ ءتورتىنشى توقسانىنداعى مالىمەتتەرگە سايكەس، تۋريستىك سالادا 80983 ادام جۇمىسپەن قامتىلعان، بۇل قالانىڭ جالپى جۇمىسپەن قامتىلعان حالقىنىڭ %7,7 ى. سوڭعى بىرنەشە جىل ىشىندە بۇل كورسەتكىش تۇراقتى تۇردە ءوسىپ كەلەدى. 2019 -جىلى 67493 ادام جۇمىسپەن قامتىلعان بولاتىن. جۇمىس ورىندارىنىڭ كوبەيۋى مىڭداعان وتباسىعا تۇراقتى تابىس بەرىپ قانا قويماي، ايماقتاعى جۇمىسسىزدىق دەڭگەيىن تومەندەتۋگە دە ىقپال ەتتى، - دەدى اقمارال ەشانوۆا.

سونداي- اق ول الماتىعا كەلگەن شەتەلدىك تۋريستەر قاراجاتىن نەگىزىنەن قوناق ۇيگە جۇمسايتىنىن ايتتى.

- Mastercard دەرەكتەرى بويىنشا، شەتەلدىك تۋريستەر الماتىدا قاراجاتىنىڭ I ىن تۇرعىن ۇيگە جۇمسايدى. الماتىعا كەلگەن ءاربىر شەتەلدىك تۋريست قالانىڭ ەكونوميكالىق دامۋىنا ايتارلىقتاي ۇلەس قوسىپ، جاڭا جۇمىس ورىندارىن قۇرۋعا، جەرگىلىكتى سالالاردى قولداۋعا جانە حالىقتىڭ ءومىر ءسۇرۋ دەڭگەيىن ارتتىرۋعا ىقپال ەتەدى. الماتىعا تۋريستەردى تارتۋ - ايماقتىڭ تۇراقتى دامۋى مەن گۇلدەنۋىن قامتاماسىز ەتەتىن قالا بولاشاعىنا سالىنعان ەڭ ۇلكەن ينۆەستيتسيا دەسەك ارتىق ايتپايمىز، - دەدى باسقارما باسشىسىنىڭ ورىنباسارى.

اقمارال ەشانوۆا تۋريستەر سانىنىڭ ارتۋى جاڭا قوناق ۇيلەر قۇرىلىسىنىڭ كوبەيۋىنە ىقپال ەتىپ جاتقانىن اتاپ ءوتتى. تۋريزم باسقارماسىنىڭ مالىمەتىنە سايكەس، قازىرگى ۋاقىتتا الماتىدا 3868 بولمەگە ارنالعان 27 قوناق ءۇيدىڭ قۇرىلىسى ءجۇرىپ جاتىر. 2027 -جىلعا قاراي قالاداعى قوناق ۇيلەردىڭ سانى 1,5 ەسەگە ارتىپ، 17 مىڭ بولمەگە جەتەدى دەپ جوسپارلانعان.

سونىمەن قاتار الماتى قالاسى تۋريزم باسقارماسىنىڭ وكىلى مەگاپوليسكە تەك كورشى مەملەكەتتەردەن عانا ەمەس، الىس شەتەلدەن كەلەتىن تۋريستەردىڭ سانى ارتقانىن مالىمدەدى. ونىڭ ايتۋىنشا، ا ق ش-تان كەلگەن تۋريستەردىڭ سانى وتكەن جىلمەن سالىستىرعاندا f,7 ارتقان.

- قالامىزدا الەمنىڭ تۇكپىر-تۇكپىرىنەن جينالعان تۋريستەر وتە كوپ. ۇلتتىق ستاتيستيكا بيۋروسى مالىمەتىنە سايكەس، بيىل جارتى جىلدا الماتىعا رەسەي، قىتاي، ءۇندىستان، تۇركيا جانە اقش تۋريستەرى ءجيى ساياحاتتاعان. تىزىمدە كوش باستاپ تۇرعان رەسەيلىك تۋريستەردىڭ ۇلەس سانى 35,9 مىڭ، ودان كەيىن ءۇندىستان مەن قىتايدان كەلگەن تۋريستەر تۇر. بەستىكتى تۇركيا (8,6 مىڭ) جانە ا ق ش (4.9 مىڭ) ازاماتتارى قورىتىندىلايدى. بۇل قالامىزدىڭ حالىقارالىق ارەنادا تانىمال جانە بەدەلدى تۋريستىك باعىتقا اينالىپ كەلە جاتقانىن راستايدى، - دەدى ول.

اقمارال ەشانوۆا ءسوز سوڭىندا وسى جىلدىڭ 1-توقسانىندا تۋريزم سالاسىنان تۇسكەن سالىق 21,7 ميلليارد تەڭگەگە جەتكەنىن اتاپ ءوتتى.

ەسكە سالايىق، الماتىدا حالىقارالىق Almaty Food Fest 2024 فەستيۆالى ءوتتى.

اۆتور
دوسبول اتاجان