شەتەلدىك 120 دان استام ازاماتتى زاڭسىز تىركەگەن تۇرعىن سوتتالدى
16:27, 29 - ناۋرىز 2025
اقتوبە. KAZINFORM - ۇلتتىق قاۋىپسىزدىك كوميتەتى زاڭسىز كوشى-قون ارناسىنىڭ جولىن كەستى.
ۇ ق ك اقتوبە وبلىسى بويىنشا دەپارتامەنتى زاڭدى بەلدەن باسىپ، كوشى-قونمەن اينالىسقان جەرگىلىكتى تۇرعىندى ۇستادى.
- تەرگەۋ بارىسىندا 120 دان استام شەتەلدىك ازاماتتى جالعان جۇمىسقا ورنالاسۋ مەن تۇرعىلىقتى جەرلەرىنە تىركەۋ ارقىلى زاڭنامانى اينالىپ ءوتىپ، ەل اۋماعىندا زاڭداستىرىلۋىنا مۇمكىندىك بەرگەن سحەما انىقتالدى، - دەلىنگەن حابارلامادا.
2025 -جىلعى 20-ناۋرىزدا اقتوبە قالاسى سوتىنىڭ شەشىمىمەن ۇيىمداستىرۋشى قىلمىستىق كودەكستىڭ 394-بابىنىڭ 1-بولىگى بويىنشا قىلمىستىق جاۋاپتىلىققا تارتىلىپ، ءبىر جىلعا باس بوستاندىعىن شەكتەۋگە سوتتالدى.
شەتەلدىكتەردىڭ قازاقستاندا ۋاقىتشا تۇرۋعا زاڭسىز العان رۇقساتتارىنىڭ كۇشى جويىلدى.