شەتەلدەن بيداي تاسىمالداۋعا تىيىم سالىنادى

استانا. KAZINFORM - اۋىل شارۋاشىلىعى مينيسترلىگى «قازاقستان اۋماعىنا اۆتوموبيل، سۋ جانە تەمىرجول كولىگىمەن بيداي اكەلۋگە تىيىم سالۋدى ەنگىزۋ تۋرالى» بۇيرىق ازىرلەدى. قۇجات «اشىق» ن ق ا پورتالىندا جارىق كوردى.

قۇجاتتا ەل اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن اۆتوكولىك، سۋ كولىگى جانە تەمىرجول ارقىلى بيداي اكەلۋگە 6 ايعا تىيىم سالىناتىنى جازىلعان.

دەسە دە ءبيدايدى تەمىرجول كولىگىمەن ءوندىرۋ جانە تۇتىنۋ ماقساتىندا قۇس شارۋاشىلىعى جانە ۇن تارتۋ كاسىپورىندارىنا اكەلۋگە رۇقسات بار. قۇجاتتا كورسەتىلگەندەي، وسى ماقساتتا اكەلىنگەن بيداي ىشكى جانە سىرتقى نارىقتا ساتىلىمعا شىعارىلمايدى.

«بۇل تىيىم قازاقستان اۋماعىنان تىس جەرلەردە باستالاتىن جانە اياقتالاتىن تەمىرجول ترانزيتتىك تاسىمالى اياسىندا ەل اۋماعىنا اكەلىنەتىن بيدايعا اسەر ەتپەيدى» - دەلىنگەن بۇيرىقتىڭ ماتىنىندە.

قۇجاتتىڭ تۇسىندىرمەسىندە 2023 -جىلى 17,1 ميلليون توننا ءداندى داقىل جينالعانى، ونىڭ ىشىندە 12,1 ميلليون توننا بيداي بار ەكەنى كورسەتىلگەن. وڭدەۋ جانە ەكسپورتقا جونەلتۋ كولەمىن ەسكەرە وتىرىپ، 2024 -جىلدىڭ 1-ناۋرىزىندا ءداندى داقىل 11,5 ميلليون توننانى قۇراعان.

«ازىق-تۇلىك كورپوراتسياسى 350 مىڭ توننا جەمدى تىكەلەي ساتىپ الۋدى جۇزەگە اسىردى. وسىلايشا، ىشكى نارىقتا ازىق-تۇلىك جانە جەمنىڭ جەتكىلىكتى قورى بار. سونىمەن قاتار رەسەيدەن استىقتىڭ قوسىمشا ءتۇسىمى جالعاسىپ جاتىر، بۇل ىشكى نارىقتاعى سۇرانىستىڭ جانە باعانىڭ تومەندەۋىنە اكەلەدى» - دەلىنگەن قۇجاتتىڭ تۇسىندىرمەسىندە.

2023 -جىلى رەسەيدىڭ بيداي يمپورتى 1,9 ميلليون توننانى قۇرادى، بۇل 2022 -جىلعى دەڭگەيدەن 31 پايىزعا ارتىق (1,46 ميلليون توننا)، ونىڭ نەگىزگى كولەمى جۇمساق بيداي - 1,8 ميلليون توننا (1,39 ميلليون توننا نەمەسە 1).

ال، ق ت ج دەرەكتەرى بويىنشا 2024 -جىلدىڭ قاڭتار ايىندا رەسەي فەدەراتسياسىنان تەمىر جول ارقىلى 174 مىڭ توننا بيداي اكەلىندى، بۇل 2022 -جىلعى دەڭگەيدەن 35 پايىزعا كوپ.

2023 -جىلى رەسەي فەدەراتسياسىنان بيداي يمپورتى 1,9 ميلليون توننانى قۇرادى، بۇل 2022 -جىلعى دەڭگەيدەن 31 پايىزعا ارتىق (1,46 ميلليون. توننا)، ونىڭ نەگىزگى كولەمى جۇمساق بيداي 1,8 ميلليون توننا (1,39 ميلليون توننا نەمەسە 1).

سونداي-اق قۇجاتتا جازدا سۋ كولىگى ارقىلى 29 مىڭ توننا بيداي اكەلىنگەنى كورسەتىلگەن. بۇل ىشكى نارىقتا رەسەي بيدايىنىڭ كولەمىن ارتتىرىپ وتىر.

يمپورتتىڭ ءوسۋى بيدايدى ساتۋ ماسەلەسىن ودان ءارى ۋشىقتىرعانى بايقالعان. استىقتى ساتۋ نارىعىنىڭ بولماۋى اۋىل شارۋاشىلىعى تاۋارلارىن وندىرۋشىلەردىڭ قارجى جاعدايىنىڭ ناشارلاۋىنا الىپ كەلەدى، بۇل 2024 -جىلعى ەگىس ناۋقانىنىڭ بۇزىلۋىنا اكەلۋى مۇمكىن. سول ءۇشىن بۇل شارا ەگىس ناۋقانىنىڭ بۇزىلماۋى ءۇشىن ىسكە اسىرىلماق.

بۇيرىق جوباسى 2024 -جىلدىڭ 26-ناۋرىزىنا دەيىن كوپشىلىك تالقىسىنا شىعارىلعان.