شەرزات پولاتقا قاتىستى نەگىزگى سوت وتىرىسىنىڭ وتەتىن كۇنى بەلگىلەندى

تالدىقورعان. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى ەرجان جانۇزاقوۆ نەگىزگى سوت وتىرىسى 17-ءساۋىر كۇنى ساعات 10:00 دە باستالاتىنىن مالىمدەدى.

سوت وتىرىسى بەيسەنبى جانە جۇما كۇندەرى جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا وتەدى.

ءىس بويىنشا ايىپتالۋشىلار ورنىندا 9 ادام وتىر. ولاردىڭ بىرەۋى كامەلەتتىك جاسقا تولماعان.

ايتا كەتەيىك، بۇگىن تالدىقورعاندا شەرزات ىسىنە بايلانىستى سوت باستالدى.

سونداي-اق پروكۋرور سوتالۋشىلاردىڭ ءارقايسىسىنا قىلمىستىق كودەكستىڭ قاي باپتارى بويىنشا ايىپ تاعىلعانىن وقىدى.

بىلتىر 4-قازان كۇنى توبەلەستەن 16 جاستاعى جاس ءوسپىرىم قايتىس بولعانىن جازعانبىز.

كەيىن اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.

2024-جىلدىڭ 12-قازانىندا قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

15-قازان كۇنى تالعار قالاسىنىڭ اكىمى باحىت قۋاتبەك ۇلى كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلدى. ارتىنشا، تالعار اۋدانى اكىمى اپپاراتىنىڭ باسشىسى اسلان قاسىمبايەۆ قىزمەتىنەن قۋىلدى.

2024-جىلدىڭ جەلتوقسان ايىندا تالعار ماڭىندا شەرزات پولاتتىڭ اعاسىنىڭ دەنەسى تابىلدى.

باس پروكۋروردىڭ ورىنباسارى عالىمجان قويگەلديەۆ شەرزات پولاتتىڭ ءۇيىنىڭ ورتەنۋىنە قاتىستى تەرگەۋدىڭ جاڭا مالىمەتتەرىن ايتتى.