شەرزات ءىسى: ايىپتالۋشى قىسىم جاسالدى دەپ شاعىمداندى

استانا. KAZINFORM - تالدىقورعاندا شەرزات بولاتتىڭ ولىمىنە قاتىستى ءىس بويىنشا سوت پروتسەسى جالعاسىپ جاتىر.

بۇگىنگى سوت وتىرىسىندا تاعى ءبىر ايىپتالۋشى نۇربول توقتاۋبايەۆتان جاۋاپ الىندى. ايىپتالۋشى پوليتسەيلەر تاراپىنان ازاپتاۋعا ۇشىراعانىنا، سوققىعا جىعىلعانىنا شاعىمداندى. ونىڭ ايتۋىنشا، شەرزات ولتىرىلگەننەن كەيىن بىرنەشە ساعاتتان سوڭ ۇيىنەن ۇستالعان.

«پوليتسيا بولىمىندە مەنى ۇرىپ-سوعا باستادى. كەيىن قارجاۋباي كەلدى، ول دا ۇرىپ-سوعىپ، بالاعاتتادى. ماعان قىسىم جاسالدى، قىزمەتكەرلەر قانداي ايعاقتار بەرۋ كەرەك ەكەنىن ايتتى»، - دەدى ايىپتالۋشى نۇربول توقتاۋبايەۆ.

توقتاۋبايەۆ بۇگىن سوتتا تەرگەۋ كەزىندە بەرگەن ايعاقتارىنان باس تارتتى.

ايتا كەتەيىك، نۇربول توقتاۋبايەۆقا «بۇزاقىلىق» بابى بويىنشا ايىپ تاعىلىپ وتىر. ايىپتالۋشىلار ورىندىعىندا ونىڭ باۋىرى ازامات توقتاۋبايەۆ تا وتىر.