شەرزات بولاتتىڭ ولىمىنە قاتىستى كۇدىكتىلەردىڭ اراسىندا بۇرىن سوتتى بولعاندار بار

قونايەۆ. KAZINFORM - قاماۋعا الىنعان كۇدىكتىلەردىڭ اراسىندا بۇعان دەيىن قىلمىستىق جاۋاپقا تارتىلعان ادامدار بار. بۇل تۋرالى ءى ءى م تەرگەۋ دەپارتامەنتى باستىعىنىڭ ورىنباسارى سامات ايسوۆ باسپا ءسوز ءماسليحاتى بارىسىندا ايتتى.

«قىلمىستىق ءىس بويىنشا كۇدىكتىلەردىڭ ىشىندە قىلمىستىق ىسپەن كەزىندە (تەرگەۋدەن وتكەن بولۋى مۇمكىن - رەد.) وتكەن ادامدار دا، سوتتالعان ادامدار دا بار. قىلمىستاردىڭ تۇرلەرى بۇزاقىلىق جانە تاعى دا باسقا»، - دەدى ول.

ءوز كەزەگىندە ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ پروباتسيالىق باقىلاۋدا بولعاندار تۋرالى ايتتى.

«پروباتسيالىق باقىلاۋداعى، تۇنگى مەرزىمدە جۇرگەن تۇلعالار بويىنشا قىزمەتتىك تەكسەرىس وتكىزىپ، ءبىزدىڭ قىزمەتكەرلەر نە سەبەپتى بۇعان جول بەرگەندەرىن انىقتايمىز»، - دەدى باۋىرجان الەنوۆ.

اۆتور

الما مۇقانوۆا