شەنگەن ۆيزاسى قىمباتتايدى

استانا. KAZINFORM – وسى جىلدىڭ ماۋسىم ايىنان باستاپ شەنگەن ۆيزاسى 12 پايىزعا قىمباتتايدى. بۇل تۋرالى سلوۆەنيانىڭ سىرتقى جانە ەۋروپالىق ىستەر جونىندەگى مينيسترلىگى مالىمدەدى، دەپ حابارلايدى El.kz اقپارات اگەنتتىگى.

جاڭا ەرەجەلەر 11-ماۋسىمنان باستاپ بۇكىل الەم بويىنشا كۇشىنە ەنبەك.

شەنگەن ۆيزاسىنىڭ باعاسى 90 ەۋروعا دەيىن كوتەرىلەدى. مۇنداي شەشىمدى ەۋروپالىق كوميسسيا قابىلدادى، - دەپ جازىلعان حابارلامادا.

ال 12 جاسقا دەيىنگى بالالارعا شەنگەن ۆيزاسىنىڭ قۇنى 45 ەۋرو بولادى. التى جاسقا دەيىنگى بالالارعا اقشا تولەۋدىڭ قاجەتى جوق.

قازىر ەرەسەكتەر ءۇشىن كونسۋلدىق الىم - 80 ەۋرو، 6 جاستان 12 جاسقا دەيىنگى ارالىقتاعى بالالار ءۇشىن 40 ەۋرو تۇرادى.

ەۋروكوميسسيا شەنگەن ۆيزاسىنىڭ قۇنىن ءار ءۇش جىل سايىن قايتا ەسەپتەيدى. كوميسسيا ەۋرووداق ەلدەرىندەگى مەملەكەتتىك قىزمەتكەرلەردىڭ ورتاشا جالاقىسى مەن ينفلياتسيا دەڭگەيى ەسكەرىلەدى. شەنگەن ايماعىنا 27 مەملەكەت كىرەدى.