شەكارادان ءۇش مەترلىك جىلان وتكىزبەك بولعان قازاقستان ازاماتى ۇستالدى

استانا. KAZINFORM - «گيشتكۋپريك» شەكارالىق كەدەن بەكەتىندە قازاقستان رەسپۋبليكاسى ازاماتىنىڭ سومكەسىن رەنتگەن ارقىلى تەكسەرۋ كەزىندە ونىڭ ىشىنەن باۋىرىمەن جورعالاۋشى انىقتالدى، دەپ حابارلايدى ءو ز ا اقپارات اگەنتتىگى.

حابارلانعانداي، جولاۋشىنىڭ اۋىزشا جاۋابى جانە دەكلاراتسيادا پيتون تۋرالى ايتىلماعان.

الدىن الا مالىمەت بويىنشا، بۇل ءۇش مەترلىك البينوس جولبارىس پيتونى - نەگىزىنەن وڭتۇستىك جانە وڭتۇستىك-شىعىس ازيادا تىرشىلىك ەتەتىن جانە حالىقارالىق قىزىل كىتاپقا ەنگىزىلگەن جىلان.

وسى سەبەپتى ونى وزبەكستان رەسپۋبليكاسىنا اكەلۋ كەزىندە حالىقارالىق CITIES رۇقساتى بولۋى قاجەت، ءبىراق قازاقستان ازاماتى كەدەنشىلەرگە وسىنداي قۇجات ۇسىنا المادى.

قازىرگى ۋاقىتتا تەرگەۋ امالدارى جۇرگىزىلۋدە. جىلان تاشكەنت قالاسىنىڭ حايۋاناتتار باعىنا ورنالاستىرىلدى، ونىڭ جاعدايىن ماماندار باعالاۋدا.

اقپاراتتى Kazinform ءۇشىن ارنايى ءو ز ا سەرىكتەس اگەنتتىگى ۇسىنعان.