شەكارا ماڭىنداعى مەكتەپتەردىڭ ينتەرنەت ماسەلەسى قالاي شەشىلىپ جاتىر

استانا. KAZINFORM - مەكتەپتەردەگى ينتەرنەت ساپاسى 2023 -جىلدىڭ باسىنداعى 19 پايىزدان 2024 -جىلى 90 پايىزعا ارتقان.

«مەملەكەت باسشىسىنىڭ مەكتەپتەردى ساپالى ينتەرنەتپەن قامتاماسىز ەتۋگە قاتىستى تاپسىرماسىنا سايكەس، ءبىز سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگىمەن بىرلەسىپ جىل باسىنان مەكتەپتەردى جوعارى جىلدامدىقتى ينتەرنەتپەن قامتۋعا قاتىستى جاڭا تالاپتارىن بەكىتتىك. وسىعان وراي مەكتەپتەردەگى ينتەرنەت ساپاسى 2023 -جىلدىڭ باسىنداعى 19 پايىزدان 2024 -جىلى 90 پايىزعا ارتتى. بۇل جۇمىس ارى قاراي جالعاسۋدا»، - دەدى وقۋ- اعارتۋ ءمينيسترى عاني بەيسەمبايەۆ ۇكىمەت وتىرىسىندا.

قازىر مەكتەپتەردى جوعارى جىلدامدىقتى ينتەرنەتپەن قامتۋ ماقساتىندا Starlink سپۋتنيكتەرى ورناتىلىپ جاتىر.

«بۇگىنگى مالىمەت بويىنشا قاجەتتى 1879 مەكتەپتىڭ 1731-دە Starlink سپۋتنيكتەرى ورناتىلعان. ال شەكارا ماڭىندا ورنالاسقان 137 مەكتەپتەردە سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى تەرمينالداردى جانداندىرۋ جۇمىسىن جۇرگىزىپ جاتىر. دەگەنمەن جامبىل، ش ق و، اتىراۋ، پاۆلودار، تۇركىستان، ب ق و جانە ۇلىتاۋ وبلىستارى مەكتەپتەردەگى ينتەرنەت جىلدامدىعىن ارتتىرۋ باعىتىنداعى جۇمىستارىن جەدەلدەتىپ وقۋ جىلى باستالعانعا دەيىن اياقتاۋ قاجەت»، - دەيدى ول.

بۇل جۇمىستار ءمينيستردىڭ قاتاڭ باقىلاۋىندا.

اۆتور

داۋلەت ىزتىلەۋ