شەكارا ماڭىنان جانارمايدى زاڭسىز اكەتۋ 50 پايىزعا قىسقاردى - اگەنتتىك

استانا. KAZINFORM - قارجىلىق مونيتورينگ اگەنتتىگى شەكارا ماڭىنداعى اۋماقتاردان بەنزيندى اكەتۋ ماسەلەلەرى بويىنشا كەڭەس وتكىزدى، دەپ حابارلايدى ۆەدومستۆونىڭ باسپا ءسوز قىزمەتى.

كەڭەسكە ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ، ق ر ۇلتتىق قاۋىپسىزدىك كوميتەتى شەكارا قىزمەتىنىڭ جانە ق ر قارجى مينيسترلىگى مەملەكەتتىك كىرىستەر كوميتەتىنىڭ ەكسپورتتىق باقىلاۋ باسقارماسىنىڭ باسشىلىعى قاتىستى.

جيىندا «وتكىزۋ» جەدەل-الدىن الۋ ءىس-شاراسىنىڭ اياسىندا جۇرگىزىلگەن بىرلەسكەن جۇمىستاردىڭ قورىتىندىلارى شىعارىلدى. قابىلدانعان شارالار ناتيجەسىندە بەنزيندى زاڭسىز اكەتۋ فاكتىلەرى 50 پايىزعا قىسقارعانى ايتىلدى.

- اتاپ ايتقاندا، اي-92 ماركالى بەنزيندى شەكارادان زاڭسىز الىپ وتپەك بولعان 534 ارەكەتتىڭ جولى كەسىلىپ، كىنالى تۇلعالار اكىمشىلىك جاۋاپكەرشىلىككە تارتىلعان. سونىمەن قاتار، وتىن تاسىمالداۋعا بەيىمدەلگەن كولىك قۇرالدارىنىڭ ەلگە قايتا كىرۋىنىڭ 865 ارەكەتى تىركەلگەن، - دەپ جازىلعان دەرەكتە.

كەڭەس قورىتىندىسى بويىنشا قاتىسۋشى ۆەدومستۆولار مۇناي ونىمدەرىن شەكارادان زاڭسىز اكەتۋگە قارسى كۇرەستى جۇيەلى تۇردە جالعاستىرىپ، ءوزارا ۇيلەستىرۋدى كۇشەيتۋ تۋرالى شەشىم قابىلدادى.

ايتا كەتەيىك، ەلىمىزدەگى جانارماي ستانسالارى كەلەر جىلدان باستاپ تەكسەرىلەدى.