مەملەكەت باسشىسىنىڭ تاپسىرماسىمەن ق ر ءى ءى م ورتالىق اپپاراتى مەن اقمولا وبلىستىق پوليتسيا دەپارتامەنتى قىزمەتكەرلەرىنىڭ قاتارىنان ارنايى جەدەل-تەرگەۋ توبى قۇرىلىپ، شۋچە قالاسىنىڭ 19 جاستاعى تۇرعىنىنىڭ ءولىمىن جان-جاقتى تەرگەۋ ءۇشىن وقيعا ورنىنا شىقتى، دەپ حابارلايدى Kazinform وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
- قىلمىستىق كودەكستىڭ 105-بابى بويىنشا (ءوزىن-ءوزى ولتىرۋگە دەيىن جەتكىزۋ)، سونداي-اق قازا تاپقان ادامنىڭ تۋىستارىنىڭ ودان اقشا بوپسالاعان دەگەن ارىزىمەن ق ر ق ك 194-بابى 2-بولىگى بويىنشا ەكى قىلمىستىق ءىس قوزعالدى. بولعان وقيعانىڭ بۇكىل ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى ءجۇرىپ جاتىر. الدىن الا تەرگەۋ ناتيجەسى بويىنشا قۇقىقتىق باعا بەرىلەدى. تەرگەۋ بارىسى ىشكى ىستەر مينيسترلىگىنىڭ ەرەكشە باقىلاۋىندا، - دەدى ۆەدومستۆودان.
پ د باسپا ءسوز قىزمەتىنەن اتاپ وتكەندەي، قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات جاريالانبايدى.
ايتا كەتسەك، بۇدان بۇرىن اقمولا وبلىسىندا تەمىرجولدان ستۋدەنتتىڭ دەنەسى تابىلعانىن حابارلاعان ەدىك.
پرەزيدەنت شۋچە قالاسىنداعى ستۋدەنتتىڭ ءولىمىن باقىلاۋىنا الدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан