- وتكەن جىلۋ بەرۋ ماۋسىمىندا گاز باللوندارىنىڭ جارىلۋىنا بايلانىستى 7 وقيعا تىركەلدى. نەگىزگى سەبەپ ولاردى پايدالانۋ كەزىندە قاۋىپسىزدىك تالاپتارىنىڭ بۇزىلۋى بولدى. بۇگىندە 350 مىڭعا جۋىق تۇرمىستىق گاز باللونى 40-50 جىلدان بەرى پايدالانىلىپ كەلەدى. ولاردى شۇعىل اۋىستىرۋ قاجەت. ونەركاسىپ مينيسترلىگىنە باللوندار ءوندىرىسىن جولعا قويۋ تاپسىرىلعان بولاتىن. قازىرگى ۋاقىتتا كوكشەتاۋ قالاسىندا وسىنداي زاۋىت ىسكە قوسىلدى. الداعى ۋاقىتتا اتىراۋ جانە الماتى قالالارىندا دا اشۋ كوزدەلىپ وتىر. ەندىگى كەزەكتە جەكە تۇرعىن ۇيلەرمەن قاتار، تاماقتانۋ ورىندارىندا دا گاز باللوندارىن اۋىستىرۋ جۇمىستارىن جولعا قويۋ كەرەك، - دەدى و. بەكتەنوۆ.
سونىمەن قاتار پرەمەر-مينيستر بۇگىنگە دەيىن تۇرمىستىق باللونداردى اينالىمنان الىپ، كادەگە جاراتۋ ءتارتىبى رەتتەلمەگەنىن ايتتى.
- ەنەرگەتيكا مينيسترلىگىنە مۇددەلى مەملەكەتتىك ورگاندارمەن بىرلەسىپ، ءبىر اي ىشىندە بارلىق وڭىرلەردەگى قولدانىستاعى گاز باللوندارىن جاڭارتۋ مەن اينالىمنان الۋدىڭ، سونداي-اق باقىلاۋدىڭ ناقتى تەتىگىن ازىرلەۋدى تاپسىرامىن. اكىمدىكتەر بۇل جۇمىستىڭ جەرگىلىكتى جەرلەردە ىسكە اسىرىلۋىن باقىلاۋعا السىن، - دەدى ۇكىمەت باسشىسى.
بۇعان دەيىن حابارلانعانداي، قازاقستاندا تۇرمىستىق گاز باللوندارىنا مىندەتتى تاڭبالاۋ ەنگىزىلەدى.