«شاڭىراق» ق ب باسشىسى الماسبەك سادىرباي ۇستالدى

استانا. قازاقپارات – «شاڭىراق» قوعامدىق بىرلەستىگىنىڭ باسشىسى الماسبەك سادىرباي الاياقتىق جاساپ، 1 ميلليارد 2 ميلليون تەڭگەنى قولدى ەتتى دەگەن كۇدىككە ءىلىندى.

قارجىلىق مونيتورينگ اگەنتتىگىنىڭ حابارلاۋىنشا، كۇدىكتى ءوزى باسقاراتىن ادامدار توبىمەن بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇرعان. ءسويتىپ، ۇساق مالدىڭ انالىق باسىن ۇرىقتاندىرۋعا بەرىلەتىن سۋبسيديالاردى زاڭسىز الىپ وتىرعان. سونداي-اق جالعان كاداسترلىق نومىرلەردى كورسەتىپ، كومەك اقى الۋ ءۇشىن دايەكسىز مالىمەتتەر قامتىلعان وتىنىمدەردى قاشىقتان بەرىپ كەلىپتى. قازىر كۇدىكتى ۇستالدى، ونىڭ سىبايلاسى تەرگەۋ سوتىنىڭ سانكسياسىمەن ءۇي قاماققا الىندى.

24.kz