شاريعات بويىنشا قان تاپسىرۋعا رۇقسات ەتىلگەن بە؟

  قان دونورى - ءوز قانىن وزگەگە ۇسىنا وتىرىپ، ءولىم اۋزىنداعى ادامعا ءومىر سىيلايتىن جان. شاريعات بويىنشا، قان دونورى بولۋعا رۇقسات پا؟

بۇل سۇراققا ق م د ب شاريعات جانە ءپاتۋا ءبولىمى جاۋاپ بەردى.

يسلام ءوزارا ءبىر- بىرىنە كومەكتەسۋگە جانە وزگەلەردى قۇتقارۋعا شاقىرادى. قان دونورلىعى ارقىلى ناۋقاس ادامدى قۇتقارۋعا سەپتىگى تيەدى. سوندىقتان زامانىمىزدىڭ كوپشىلىك عالىمدارى قان تاپسىرۋعا رۇقسات بەرگەن. ويتكەنى ونى ىستەگەن ادام بۇكىل ادامزاتتى ولىمنەن قۇتقارعانداي بولادى دەيدى

اللا تاعالا قۇراندا بىلاي دەيدى:

"كىم بىرەۋدى ولىمنەن قۇتقارىپ قالسا، بۇكىل ادامزاتتى ولىمنەن قۇتقارعانداي بولادى".

الايدا مىناداي شارتتار ساقتالۋى ءتيىس:

اسا زارۋلىكتىڭ بولۋى. ونىڭ ورنىن باساتىن تازا بالاماسى جوق ءارى سەنىمدى، بىلىكتى مەديتسينا ماماندارىنىڭ شەشىمىمەن ناۋقاس ادامنىڭ ءومىرىن ساقتاپ قالۋدىڭ جالعىز جولى ءھام ەمى بولۋى ءتيىس؛

دونوردىڭ دەنساۋلىعىنا ەشقانداي زيان كەلمەۋى؛

دونوردىڭ ءوز ەركىمەن، رازىلىعىمەن بەرۋى؛

قاندى قۇيۋ پروتسەسى ءبىلىمدى، بىلىكتى دارىگەرلەردىڭ باقىلاۋىمەن جۇزەگە اسىۋى شارت.

Massaget.kz