قاراقۇيرىق - ەلىمىزدىڭ ەرەكشە قورعاۋعا الىنعان جانۋارلارىنىڭ ءبىرى. سوندىقتان ونى تابيعي مەكەنىندە وسىلاي ەركىن جۇرگەن كۇيىندە باقىلاۋ - ماماندار ءۇشىن قۇندى دەرەك، ال ءبىز ءۇشىن جابايى تابيعاتتىڭ كوزگە كورىنە بەرمەيتىن تىرشىلىگىنە ءۇڭىلۋدىڭ تاماشا مۇمكىندىگى.
ادامنىڭ قاتىسۋىنسىز جۇمىس ىستەيتىن فوتوتۇزاقتار جانۋارلاردى تابيعي مىنەز-قۇلقىنا كەدەرگى كەلتىرمەي باقىلاۋعا مۇمكىندىك بەرەدى. وسىنداي كادرلار ارقىلى ماماندار جابايى جانۋارلاردىڭ تىرشىلىگىن قاداعالاپ، تابيعي اۋماقتاعى جاعدايدى زەرتتەيدى.
ەڭ قۇندىسى - بۇل ارنايى قويىلعان كورىنىس ەمەس. قاراقۇيرىقتار ءوز مەكەنىندە ەركىن ءجۇر، ال كامەرا ولاردىڭ كۇندەلىكتى تىرشىلىگىنىڭ ءبىر ءساتىن عانا ءۇنسىز «ۇستاپ» قالدى.
- تابيعات ءبىز كورمەگەن كەزدە دە ءوز تىرشىلىگىن جالعاستىرا بەرەدى. ال فوتوتۇزاقتار سول قۇپيا الەمنىڭ ءبىر ساتىنە كوز جۇگىرتۋگە مۇمكىندىك بەرەدى،- دەيدى ماماندار.
وسىعان دەيىن ىلە الاتاۋىندا گيمالاي ۇلارى فوتوتۇزاققا ءتۇسىپ قالعانى تۋرالى جازدىق.