ورمان شارۋاشىلىعى جانە جانۋارلار دۇنيەسى كوميتەتى باسپا ءسوز قىزمەتىنىڭ مالىمەتىنشە، شارىن شاتقالى الەم بويىنشا - 17-ورىنعا، قازاقستان بويىنشا - 1-ورىنعا تۇراقتاعان.
ميلليونداعان جىلدار بويى قالىپتاسقان عاجايىپ جارتاستار، ەرەكشە گەولوگيالىق قۇرىلىمدار مەن قايتالانباس تابيعات كورىنىستەرى ارقىلى تانىلعان شارىن شاتقالى حالىقارالىق رەيتينگتە جوعارى باعالاندى.
Worldworthy 100 - كەلۋشىلەردىڭ پىكىرلەرى مەن ۇسىنىستارىن، جۋرناليستىك زەرتتەۋلەردى جانە اشىق دەرەككوزدەردەگى مالىمەتتەردى ەسكەرە وتىرىپ جاسالاتىن تاۋەلسىز رەداكسيالىق رەيتينگ. 2026-جىلعى كانوندار مەن شاتقالدار تىزىمىنە 46 ەلدەن 100 نىسان ەنگىزىلگەن.
- Worldworthy رەداكسياسى «شارىن» مەملەكەتتىك ۇلتتىق تابيعي پاركىنە رەيتينگ لاۋرەاتىنىڭ ارنايى سەرتيفيكاتىن جولدادى. بۇل - قازاقستاننىڭ بىرەگەي تابيعي مۇراسىن الەمگە تانىتاتىن قۋانىشتى جاڭالىق ءارى ونى ساقتاۋ جولىندا ەڭبەك ەتىپ جۇرگەن تابيعات قورعاۋشىلارى ءۇشىن ەرەكشە مارتەبە! - دەلىنگەن ۆەدومستۆو حابارلاماسىندا.
وسىعان دەيىن شارىن ۇلتتىق پاركىندە سيرەك كەزدەسەتىن وزەن كامشاتى فوتوتۇزاققا تۇسكەنىن جازعان ەدىك.