ءمينيستردىڭ ايتۋىنشا، شارۋالاردى ۇزاق مەرزىمدى جەڭىلدەتىلگەن قارجىلاندىرۋمەن قامتاماسىز ەتۋ ءۇشىن بيۋدجەت جانە كوممەرتسيالىق قاراجاتتى ۇشتاستىرۋ تەتىگى قولدانىلادى. بۇل قولما-قول اقشانى باقىلاۋ شوتىنداعى قاراجات جەتكىلىكسىز بولعاندا دا شارۋالاردى ۋاقىتىلى قارجىلاندىرۋعا مۇمكىندىك بەرەدى.
وسى ماقساتتا «بايتەرەك» حولدينگى كۋپوندىق سىياقىنى سۋبسيديالاۋ تەتىگى ارقىلى بيۋدجەتتەن تىس قاراجات تارتۋدى جالعاستىرىپ، ونى اگروونەركاسىپتىك كەشەنگە كرەديت بەرۋگە باعىتتاۋى قاجەت.
- بيىل «بايتەرەك» حولدينگى ارقىلى ۇزاق مەرزىمدى قارىزعا 270 ميلليارد تەڭگە، ال 2027 -جىلعا 220 ميلليارد تەڭگە قاراستىرىلعان. ونىڭ ىشىندە مال ساتىپ الۋعا قازىرگى ۋاقىتتا 64,2 ميلليارد تەڭگە باعىتتالعان. بەلگىلەنگەن ماقساتتاردى تولىق ىسكە اسىرۋ ءۇشىن اگرارلىق نەسيە كورپوراتسياسى ارقىلى مال شارۋاشىلىعىن قولداۋعا 84 ميلليارد تەڭگە بيۋدجەت كرەديتىن ءبولۋ قاجەت، - دەدى ايداربەك ساپاروۆ.
سونداي-اق، قازاقستاننىڭ دامۋ بانكى ارقىلى ينۆەستيتسيالىق جوبالاردى ىسكە اسىرۋعا 2026 -جىلى 35 ميلليارد تەڭگە ءبولىنۋى قاجەت.
وتاندىق تراكتورلار مەن كومبايندار ءوندىرىسىن ۇلعايتۋ تاپسىرماسىن ورىنداۋ ءۇشىن بيىل قازاگروقارجى ارقىلى بيۋدجەتتىك كرەديتكە 50 ميلليارد تەڭگە ءبولۋدى قامتاماسىز ەتۋ قاجەت.
بۇدان بولەك، قۇرىلتاي دەپۋتاتتارى قازاگروقارجىعا قوسىمشا 37,5 ميلليارد تەڭگە ءبولۋدى ۇسىندى. بۇل 2027 -جىلى اۋىل شارۋاشىلىعى تەحنيكاسىنىڭ جەڭىلدەتىلگەن ليزينگىنە 200 ميلليارد تەڭگە تارتۋعا مۇمكىندىك بەرەدى.
- سولتۇستىك قازاقستان وبلىسىنىڭ تاجىريبەسىن تاراتۋ اياسىندا 2027 -جىلى مال ساتىپ الۋعا جەڭىلدەتىلگەن كرەديت بەرۋ ءۇشىن قوسىمشا 50 ميلليارد تەڭگە ءبولۋ ۇسىنىلدى. قارجىلاندىرۋ سەنىم بىلدىرىلگەن اگەنت ارقىلى جۇزەگە اسىرىلادى، - دەدى اۋىل شارۋاشىلىعى ءمينيسترى.
كەشە مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا شارۋالاردى ينۆەستيتسيالايتىن پارمەندى ءتاسىل ەنگىزۋدى تاپسىرعان ەدى.
سونىمەن بىرگە ق. توقايەۆ اۋىل شارۋاشىلىعى ونىمدەرىن تەرەڭ وڭدەۋ ءىسىن دامىتۋعا باسا ءمان بەرۋ كەرەگىن ايتتى.