ۇشاقتا بومبا بار دەپ ازىلدەگەن جىگىتتىڭ ۇستىنەن قىلمىستىق ءىس قوزعالدى
ورال. KAZINFORM - الەۋمەتتىك جەلىدە الماتى - ورال باعىتىندا ۇشاتىن ۇشاق بورتىندا تۇسىرىلگەن بەينەجازبا تارادى.
جاس جىگىت بومبا قويىلعانى تۋرالى الەۋمەتتىك جەلىدە ازىلدەمەكشى بولعان. وسىعان بايلانىستى بورتتى اۋە كۇزەتىنىڭ وكىلدەرى كينولوگتارمەن بىرگە كەلىپ تەكسەرگەن.
سودان كەيىن جاس جىگىتتى ۇشاق بورتىنان ءتۇسىرىپ، الىپ قالعان.
بەينەجازبادا ونىڭ كوزىنە جاس الىپ، قاپالانعانى انىق كورىنەدى. ۇشاق ءبىر ساعاتقا كەشىگىپ ۇشقان.
ءى ءى م كولىكتەگى پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالمىش وقيعاعا بايلانىستى تەرروريزم اكىسى تۋرالى كورىنەۋ جالعان حابارلاۋ بويىنشا ق ر ق ك 273-بابىنا سايكەس سوتقا دەيىنگى تەرگەۋ امالدارى جۇرگىزىلىپ جاتىر.
«وزگە اقپارات ق ر قىلمىستىق- پروتسەستىك كودەكسىنىڭ 201-بابىنىڭ تالاپتارىنا سايكەس جاريا ەتۋگە جاتپايدى»، دەپ حابارلادى ۆەدومستۆودان.
اتالعان باپ بويىنشا ايىپتى دەپ تانىلعان ادام بەس مىڭ ايلىق ەسەپتىك كورسەتكىش مولشەرىندە ايىپپۇل سالۋعا نە سول مولشەردە تۇزەۋ جۇمىستارىنا نە بەس جىلعا دەيىنگى مەرزىمدە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.