9 -قازاندا پەرتتەن ريمگە ۇشقان رەيستىڭ جولاۋشىلارى قاندالا شاققانىن ايتقان. ولارعا قىشۋدى باسۋ ءۇشىن اللەرگياعا قارسى ءدارى بەرىلگەنىمەن، ءدارى قورى تاۋسىلعان. وسىدان كەيىن Boeing 787 Dreamliner ۇشاعى ۋاقىتشا پايدالانۋدان شىعارىلىپ، مۇقيات تازالاۋعا جىبەرىلدى. سوعان بايلانىستى ريمنەن پەرتكە باعىتتالعان رەيس توقتاتىلدى. ريم - پەرت باعىتى بويىنشا رەيستىڭ توقتاتىلعانى ءۇشىن جولاۋشىلاردان شىن جۇرەكتەن كەشىرىم سۇرايمىز. ەكونوم- كلاستىڭ بىرنەشە ورنىنان ماسەلە انىقتالعان سوڭ ينجەنەرلەر مەن تەحنيكالىق ماماندار ۇشاقتى مۇقيات تازالادى، - دەدى اۋە كومپانياسىنىڭ وكىلى.
رەيسى توقتاتىلعان جولاۋشىلارعا باسپانا بەرىلىپ، باستاپقى ۇشۋ ۋاقىتىنان كەيىنگى 48 ساعات ىشىندە بالاما رەيستەرگە بيلەتتەر قايتا بروندالعان. ايتا كەتەيىك، قاندالا - كيىمدە، جيھازدا جانە توسەك-ورىندا تىرشىلىك ەتەتىن ۇساق پارازيت جاندىك. ونىڭ شاعۋى قىشىنۋدى تۋدىرۋى مۇمكىن. ادەتتە دەنساۋلىققا اسا اۋىر زيان كەلتىرمەگەنىمەن، ودان ارىلۋ وڭاي ەمەس.
24.kz