ۇشاق اپاتى: 242 جولاۋشىنىڭ ءبارى قازا تاپتى

نيۋ-دەلي. قازاقپارات - Air India اۋە كومپانياسىنىڭ ءۇندىستاندا اپاتقا ۇشىراعان ۇشاقتىڭ بورتىندا بولعان 242 ادامنىڭ ءبارى قازا تاپقان بولۋى مۇمكىن.

 بۇل تۋرالى The Associated Press اگەنتتىگىنە ءۇندىستان پوليتسياسىنىڭ وكىلى حابارلادى، دەپ جازدى تاسس.

- اۋە اپاتىنان ءتىرى قالعاندار جوق سياقتى، - دەدى پوليتسيا وكىلى.

ونىڭ ايتۋىنشا، ۇشاق كەڭسەلەرى بار تۇرعىن اۋداندا قۇلاعان.

سول ماڭداعى كەيبىر جەرگىلىكتى تۇرعىندار دا قازا تاپقان بولۋى مۇمكىن، - دەپ قوستى ول.

بۇعان دەيىن ءۇندىستان پوليتسياسى Air India ۇشاعى دارىگەرلەرگە ارنالعان جاتاقحانا عيماراتىنا قۇلاعانىن حابارلاعان بولاتىن.

ەسكە سالا كەتەيىك، Air India اۋەكومپانياسىنىڭ Boeing 787 Dreamliner ۇشاعى احمەداباد قالاسىنداعى ساردار ۆاللابحبحايا پاتەلا حالىقارالىق اۋەجايىنان ۇشىپ شىققاننان كەيىن كوپ ۇزاماي اپاتقا ۇشىرادى.

احمادابادتان 13:38 دە كوتەرىلگەن Boeing 787-8 ۇشاعىنىڭ بورتىندا 242 جولاۋشى مەن ەكيپاج مۇشەلەرى بولعان. ولاردىڭ 169 ى ءۇندىستان ازاماتى، 53 ءى ۇلىبريتانيا ازاماتى، بىرەۋى كانادا ازاماتى جانە جەتەۋى پورتۋگاليا ازاماتى بولعانى حابارلاندى.

ق ر سىرتقى ىستەر مينيسترلىگى Air India ۇشاعىنىڭ اپاتىنان قازا تاپقان نەمەسە زارداپ شەككەن قازاقستان ازاماتتارى تۋرالى اقپارات تۇسپەگەنىن حابارلادى.

قازاقستان پرەزيدەنتى ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى.