شاۆكات راحمونوۆتىڭ جەكپە-جەگى لاس-ۆەگاستا وتەدى

استانا. KAZINFORM - جەڭىلمەگەن قازاقستاندىق فايتەر شاۆكات راحمونوۆتىڭ (18-0) كەلەسى جەكپە-جەگى لاس-ۆەگاستا وتەتىنى بەلگىلى بولدى. بۇل تۋرالى Sports.kz. جازدى.

UFC شاۆكات راحمونوۆتىڭ كەلەسى كەزدەسۋى تۋرالى حابارلادى.

بىلعارى قولعاپ شەبەرى شاۆكات راحمونوۆ 310- ءنومىرلى تۋرنيرگە 7 -جەلتوقسان كۇنى ا ق ش- تىڭ لاس- ۆەگاس قالاسىندا جۇدىرىقتاسادى. ونىڭ قارسىلاسى ورتا سالماقتاعى امەريكالىق سپورتشى بەلال مۋحامماد (24-3).

شاۆكات راحمونوۆ سوڭعى كەزدەسۋىن وتكەن جىلدىڭ جەلتوقسان ايىندا وتكىزگەن بولاتىن. قارسىلاسى امەريكالىق ستيۆەن تومپسون (17-7-1) بولعانىن ەسكە سالامىز.

ايتا كەتەيىك، ماددالەنا بيىل 10- ناۋرىزدا ماياميدە (ا ق ش، فلوريدا) وتكەن UFC 299 تۋرنيرىندە برازيليالىق گيلبەرت بەرنستى (22-7) جەڭگەننەن كەيىن راحمونوۆتى جۇدىرىقتاسۋعا شاقىرعان بولاتىن.

ەستەرىڭىزگە سالساق، بۇعان دەيىن جەڭىلىپ كورمەگەن قازاقستاندىق فايتەر شاۆكات راحمونوۆ UFC- ءدىڭ جارتىلاي ورتا سالماق ساناتىندا رەيتينگىن جاقسارتقانىن جازعان ەدىك.

اۆتور

باقىتگۇل اباي قىزى