UFC باسشىسى دانا ۋايت جارتىلاي ورتا سالماق چەمپيونى، بريتانيالىق لەون ەدۆاردس پەن امەريكالىق بەلال مۋحامماد اراسىنداعى جەكپە- جەك وتەتىنىن الەۋمەتىك جەلى ارقىلى رەسمي قۇلاقتاندىردى، دەپ جازادى fight.ru.
بۇل جەكپە- جەك 28-شىلدە مانچەستەردە وتەتىن UFC 304 ءتۋرنيرىنىڭ باستى جەكپە- جەگى بولادى.
ايتا كەتەيىك، ەدۆاردس پەن بەلال بۇعان دەيىن 2021 -جىلى وكتاگوندا كەزدەسكەن، الايدا ول جەكپە- جەك وتپەگەن بولىپ سانالدى. ويتكەنى ەدۆاردس بەلالدىڭ كوزىنە ابايسىزدا ساۋساعىن تىعىپ الادى، وسىدان كەيىن امەريكالىق فايتەر جەكپە- جەكتى جالعاستىرا الماي قالعان ەدى.
ەسكە سالايىق، بۇل ايقاس شاۆكات راحمونوۆ ونەر كورسەتەتىن جارتىلاي ورتا سالماقتا وتەدى. بۇل ديۆيزيون رەيتينگىندە بەلال ەكىنشى ورىندا، ال راحمونوۆ ءۇشىنشى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.