استانا. KAZINFORM - جەكسەنبىنىڭ تاڭىندا شاۆكات راحمونوۆ لاس-ۆەگاستاعى UFC 310 تۋرنيرىندە يرلانديالىق يان گەرريدى جەڭىپ شىقتى. بۇل جەكپە-جەگى ءۇشىن قازاقستاندىق سپورتشى مانسابىنداعى ەڭ قوماقتى سىياقىسىن الادى.
Mma.metaratings اقپاراتى بويىنشا، شاۆكات جەكپە-جەككە شىققانى ءۇشىن 300 مىڭ ا ق ش دوللارىن يەمدەنەدى. جەڭىسكە جەتكەنى ءۇشىن تاعى 100 مىڭ دوللار ەنشىلەيدى. سونداي-اق PPV ساتىلىمدارىنان 750 مىڭ، دەمەۋشىلەردەن 5 مىڭ دوللار الادى. الايدا تۋرنيردە ۇزدىك ونەر كورسەتكەن سپورتشىلارعا بەرىلەتىن گونوراردان تىس قالدى.
ال يەن گەرري جەكپە-جەككە شىققانى ءۇشىن 350 مىڭ دوللار سىياقى الادى. PPV ساتىلىمدارىنان 700 مىڭ، دەمەۋشىلەردەن 6 مىڭ دوللار بەرۋ قاراستىرىلعان.
ايتا كەتەيىك، شاۆكات راحمونوۆ يان گەرريدى جەڭگەننەن كەيىن جارتىلاي ورتا سالماقتاعى UFC چەمپيونى بەلال مۇحاممادتى جەكپە-جەككە شاقىردى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.