شاۆكات راحمونوۆ شاماسى جەتپەيتىن جالعىز سپورتشىنىڭ ەسىمىن اتادى

قازاقستاندىق ارالاس جەكپە-جەك شەبەرى شاۆكات راحمونوۆ شاماسى جەتپەيتىن جالعىز سپورتشىنىڭ ەسىمىن اتادى.

جەكپە-جەكتەن كەيىنگى باسپا ءسوز ءماسليحاتى مەن ودان كەيىن دە بولعان سۇحباتتاردا ول ب ا ق وكىلدەرى قىزىعا، جارىسا جازاتىن ويلارىن ايتىپ، مالىمدەمە جاسادى.

ودان سۇحباتتىڭ بارىندە امەريكالىق جۋرناليستەر: «ەندى كىمدى جەڭۋگە بولادى؟ كىممەن جەكپە-جەك قيىن؟» دەپ سۇراعان. ول سۇراقتارعا شاۆكات راحمونوۆ ەش ويلانباستان نگاننۋمەن جەكپە-جەكتىڭ وڭاي بولمايتىنىن ايتىپ، ونى جەڭە المايتىنىن مويىندادى.

ۋسماندى جەڭەمىن. ەدۆاردسقا دا تىزە بۇكتىرەمىن. چيمايەۆتى جەڭۋگە بولادى. ماحاچيەۆتى دە سولاي. ونى جەڭە الامىن. نگاننۋدى جەڭۋ قيىن. فيۋريدى دە جەڭە الامىن. ەگەر ول MMA ەرەجەسىمەن وكتاگونعا شىقسا، ارينە، جەڭىستى جۇلىپ اكەتەمىن. مايك تايسون ماعان سونشالىقتى مىقتى قارسىلاس ەمەس. ونى دا قۇلاتامىن، - دەدى راحمونوۆ شاعىن سۇحباتىندا.

40 جاستاعى امەريكالىق سپورتشى ستيۆەن تومپسون بۇگىنگە دەيىن ءوزىنىڭ سپورتتىق مانسابىندا 24 رەت وكتاگونعا شىعىپ، 17 رەت جەڭىسكە جەتكەن. ال شاۆكات راحمونوۆتىڭ ءجۇرىپ وتكەن جولى جانكۇيەرلەردىڭ كوز الدىندا. 29 جاستاعى وتانداسىمىز 2014-جىلدان بەرى ارالاس جەكپە-جەكپەن اينالىسىپ كەلەدى. وسى ۋاقىت ارالىعىندا 17 رەت ايقاس الاڭىنا شىعىپ، بارلىق جەكپە-جەكتى ايقىن باسىمدىقپەن جەڭدى. 8 قارسىلاسىنا مەرزىمىنەن بۇرىن تىزە بۇكتىردى. بۇل - راحمونوۆتىڭ 18-جەڭىسى.

فرەنسيس نگاننۋ - UFC- قازىرگى اۋىر سالماقتاعى چەمپيونى. جاقىندا ول دا مالىمدەمە جاساپ، كەلەسى جىلدىڭ 22- قاڭتارىنان باستاپ UFC- دىڭ كەلىسىمشارتىمەن جەكپە-جەككە شىقپايتىنىن، ويتكەنى جەكپە-جەككە از اقشا تولەنەتىنىن جاسىرمادى.