استانا. KAZINFORM - مەملەكەت باسشىسىنىڭ جارلىعىمەن جانكەشتى جانە جەمىستى ەڭبەگى ءۇشىن «Qarmet» اكسيونەرلىك قوعامىنىڭ كوستەنكو اتىنداعى شاحتاسىنىڭ جەراستى ۋچاسكەسىنىڭ ەلەكتر سلەسارى ايبار بەكبولاتۇى قوسانوۆ Ⅲ دارەجەلى «ەڭبەك داڭقى» وردەنىمەن ناگرادتالدى.
ەسكە سالا كەتەيىك، 2-مامىر كۇنى قاراعاندىداعى كوستەنكو شاحتاسى تۇتىندەپ، 200 گە جۋىق كەنشى ەۆاكۋاتسيالانعان بولاتىن.
بىقسىعان وتتى العاشقى ءورت ءسوندىرۋ قۇرالدارىنىڭ كومەگىمەن كونۆەيەر تراسساسىنىڭ ەلەكتر سلەسارى ايبار قوسانوۆ ءسوندىردى.
كەنشى وقيعا تۋرالى حابارلاپ جاتقاندا شاحتانىڭ باسقارۋ بولمەسىندە ءتۇتىن سيگناليزاتسياسى ىسكە قوسىلعان.
ساعات 19:45-تە سيگناليزاتسياعا بايلانىستى ءتۇتىن سوندىرىلگەنىنە قاراماستان ەۆاكۋاتسيا جوسپارى بويىنشا شاحتاداعى 194 كەنشىنى سىرتقا شىعارۋ جونىندە شەشىم قابىلدانعان.
ساعات 21:47-دە 187 كەنشى جەر بەتىنە شىعارىلدى.
اۆتور
جانات قاپالبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан