شاڭحايداعى حالىقارالىق يمپورتتىق كورمەگە 30 قازاقستاندىق ءوندىرۋشى قاتىسادى
30 قازاقستاندىق ءوندىرۋشى 5-10-قاراشا ارالعىندا شاڭحايدا وتەتىن التىنشى قىتاي حالىقارالىق يمپورتتىق كورمەسىنە (CIIE) قاتىسادى، دەپ حابارلايدى Kazinform.
«Qaztrade» ا ق ەكسپورتتى ىلگەرىلەتۋ دەپارتامەنتىنىڭ ديرەكتورى ميرا جاڭابەرگەنوۆانىڭ ايتۋىنشا، قازاقستان قىتايداعى يمپورتتىق كورمەدە ۇلتتىق جانە كوممەرتسيالىق ەكى ستەندتە بار.
«ا و ك- تەن يننوۆاتسياعا دەيىن» - ۇلتتىق پاۆيلونىمىزدىڭ نەگىزگى تۇجىرىمداماسى. ءبىز قازاقستاننىڭ نەگىزگى باعىتتارىن ۇسىنامىز، مۇندا اگروونەركاسىپتىك كەشەن، ينۆەستيتسيالار، تۋريزم، ەكسپورت، لوگيستيكا جانە باسقا دا باعىتتار بار»، - دەدى «Qaztrade» وكىلى.
ول سونداي-اق كوممەرتسيالىق پاۆيلوننىڭ ستەندى «ازىق-تۇلىك جانە اۋىل شارۋاشىلىعى ونەركاسىبى» سەكتورىندا ورنالاسقانىن، وندا 30 قازاقستاندىق ءوندىرۋشى ءوز ونىمدەرىن شىعارعانىن ايتتى. بۇل ماكارون جانە كونديتەرلىك ونىمدەر، وسىمدىك مايلارى، بال، ءسۇت ونىمدەرى، سونىڭ ىشىندە قۇرعاق تۇيە مەن بيە ءسۇتى جانە ت. ب. بار.
«قازاقستاندىق ونىمدەر قىتايداعى كورمەدە شيكىزاتتىق ەمەس سەكتوردىڭ وتاندىق وندىرۋشىلەرىن سىرتقى نارىقتارعا شىعارۋ جونىندەگى مەملەكەتتىك باعدارلامانى ىسكە اسىرۋ شەڭبەرىندە ۇسىنىلدى»، - دەپ اتاپ ءوتتى ميرا جاڭابەرگەنوۆا.
«Qaztrade» ا ق وكىلى قازاقستان 2018 -جىلى جۇمىس ىستەي باستاعان ساتتەن باستاپ قىتايدىڭ حالىقارالىق يمپورتتىق كورمەسىنە قاتىساتىنىن تىلگە تيەك ەتتى. بەس جىل ىشىندە كورمە الاڭىندا 100-دەن استام قازاقستاندىق كومپانيا 260 ميلليوننان اساتىن سوماعا ەكسپورتتىق كەلىسىمشارتتار جاساستى.
بۇعان دەيىن بەيجىڭدە وتكەن باسپا ءسوز ءماسليحاتىندا ق ح ر كوممەرتسيا ءمينيسترىنىڭ ورىنباسارى شەن چيۋپين حابارلاعانداي، بيىلعى جىلى قىتايدىڭ التىنشى حالىقارالىق يمپورتتىق كورمەسىندە 70 كە جۋىق ەل ۇلتتىق ەكسپوزيتسيالاردى ورنالاستىردى. ونىڭ 11 ى كورمەگە العاش رەت وفلاين فورماتتا قوسىلادى. قازىرگى CIIE-نىڭ قۇرمەتتى قوناقتارى قازاقستان، ۆەتنام، سەربيا جانە باسقا دا مەملەكەتتەر بولادى.
قىتايدىڭ التىنشى حالىقارالىق يمپورتتىق كورمەسى 5-10-قاراشا ارالىعىندا شاڭحايدا وتەدى. ەكسپو-عا الەمنىڭ 154 ەلىنەن كەلگەن دەلەگاتسيا، سونداي-اق حالىقارالىق ۇيىمداردىڭ وكىلدەرى قاتىسادى.
قازىرگى ۋاقىتتا 3,4 مىڭنان استام كومپانيا كورمەگە قاتىسۋ ءۇشىن تىركەلدى. سونداي-اق اتالمىش اۋقىمدى ءىس-شاراعا 410 مىڭعا جۋىق كاسىبي ساتىپ الۋشى كەلەدى دەپ كۇتىلۋدە.