شاڭحاي جىلجىمايتىن مۇلىك ساۋداسىنا سالىناتىن سالىقتى ازايتادى
استانا. KAZINFORM - قىتايدىڭ ءىرى مەگاپوليسى شاڭحاي بيلىگى 1 -جەلتوقساننان باستاپ جىلجىمايتىن مۇلىكتى ساتۋعا سالىناتىن سالىق مولشەرىن تومەندەتۋدى جوسپارلاپ وتىر. بۇل شارالار تۇرعىن ءۇي نارىعىنداعى سۇرانىستى ارتتىرۋعا باعىتتالعان.
شينحۋا اگەنتتىگىنىڭ حابارلاۋىنشا، جاڭا ەرەجەگە سايكەس، ەندى ءبىرىڭعاي سالىق مولشەرلەمەسى 1 پايىزدى قۇرايدى.
شاڭحاي بيلىگى سونداي-اق جەكە تۇلعالاردى ەكى نەمەسە ودان دا كوپ جىل يەلىگىندە بولعان «ليۋكس» جىلجىمايتىن مۇلىكتى ساتۋ كەزىندە %5 ق ق س تولەۋدەن بوساتۋدى جوسپارلاپ وتىر.
جەرگىلىكتى ب ا ق- تىڭ حابارلاۋىنشا، جىلجىمايتىن مۇلىك نارىعىنىڭ «باياۋ» جاعدايىندا قىتاي بيلىگى سۇرانىستى ىنتالاندىرۋعا جانە جىلجىمايتىن مۇلىك نارىعىن تۇراقتاندىرۋعا ارنالعان سالىق، قارجى جانە نارىق ساياساتى سالالارىندا ءبىرقاتار شارا ەنگىزبەكشى.
قىركۇيەك ايىنىڭ باسىندا قىتاي حالىق بانكى (ورتالىق بانك) قىتاي ەكونوميكاسىن ىنتالاندىرۋ ءۇشىن ءبىرقاتار جاڭا شارا، سونىڭ ىشىندە قولدانىستاعى ۇيلەر بويىنشا يپوتەكالىق نەسيە مولشەرلەمەلەرىن تومەندەتىلەتىنىن جاريالادى.
اۆتور
ەركەجان سماعۇلوۆا