ش ى ۇ سامميتىنە كەلگەن مارتەبەلى مەيمانداردى قارسى الۋ ءراسىمى باستالدى

استانا. KAZINFORM - استاناداعى تاۋەلسىزدىك سارايىندا شاڭحاي ىنتىماقتاستىق ۇيىمىنىڭ سامميتىنە قاتىسۋشىلاردى قارسى الۋ ءراسىمى باستالدى.

مەملەكەت باسشىسى قاسىم-جومارت توقايەۆپەن العاشقى بولىپ ءۇندىستان رەسپۋبليكاسىنىڭ سىرتقى ىستەر ءمينيسترى سۋبرامانيام دجايشانكار قول الىسىپ، سۋرەتكە ءتۇستى. وسىدان كەيىن پرەزيدەنت مارتەبەلى مەيماندى كونفەرەنسيا زالىنا شىعارىپ سالدى.

قارسى الۋ ءراسىمىنىڭ سوڭىندا ۇيىمعا مۇشە مەملەكەتتەردەن كەلگەن دەلەگاتسيالاردىڭ باسشىلارى بىرلەسىپ سۋرەتكە تۇسەدى.

ايتا كەتۋ كەرەك، ءىس-شاراعا قازاقستان، يران، قىتاي، قىرعىزستان، پاكىستان، رەسەي، تاجىكستان، وزبەكستان، بەلارۋس، موڭعوليا، ازەربايجان، قاتار، ب ا ءا، تۇركيا جانە تۇرىكمەنستان مەملەكەتتەرى مەن ۇكىمەتتەرىنىڭ باسشىلارى، ءۇندىستان رەسپۋبليكاسىنىڭ سىرتقى ىستەر ءمينيسترى، سونداي-اق ب ۇ ۇ باس حاتشىسى، ش ى ۇ باس حاتشىسى مەن ش ى ۇ وڭىرلىك تەرروريزمگە قارسى قۇرىلىمىنىڭ اتقارۋشى ديرەكتورى، ت م د، ە ى ۇ، ا ءو س ش ك، ۇ ق ش ۇ، ە ە ك جانە ا ق ي ۇ سياقتى حالىقارالىق ۇيىمداردىڭ باسشىلارى قاتىسادى.

ش ى ۇ سامميتى العاش رەت «ش ى ۇ-عا مۇشە مەملەكەتتەر باسشىلارى كەڭەسىنىڭ وتىرىسى» جانە «ش ى ۇ+» كەزدەسۋى فورماتىندا وتەدى.

اۆتور

ەسىمجان ناقتىباي