ش ى ۇ: مارتەبەلى مەيماندارعا قازاق حالقىنىڭ باي مۋزىكالىق مۇراسى مەن مادەنيەتى تانىستىرىلدى
00:10, 04 - شىلدە 2024
استانا. KAZINFORM – ش ى ۇ سامميتىنە قاتىسۋ ءۇشىن استاناعا كەلگەن مەملەكەتتەر باسشىلارى مەن حالىقارالىق ۇيىمدار جەتەكشىلەرى كەشكى اس فورماتىنداعى كونسەرتتىك باعدارلامانى تاماشالادى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
«پرەزيدەنت ورتالىعىندا وتكەن بەيرەسمي جيىن بارىسىندا مارتەبەلى مەيماندارعا قازاق حالقىنىڭ باي مۋزىكالىق مۇراسى مەن مادەنيەتى تانىستىرىلىپ، «دوستىق جولى» حورەوگرافيالىق كومپوزيتسياسى ۇسىنىلدى. قويىلىمعا ۇلى جىبەك جولى بويىنداعى حالىقتاردىڭ مادەنيەتتەرى ارقاۋ بولعان»، - دەلىنگەن حابارلامادا.
سونىمەن قاتار كونسەرتتىك باعدارلاما اياسىندا ش ى ۇ- عا مۇشە ەلدەر حالىقتارىنىڭ اندەرى مەن بيلەرى ورىندالدى.