ش ى ۇ ەلدەرى عىلىمي گرانتتار باعدارلاماسىن ىسكە قوسادى

استانا. KAZINFORM – ش ى ۇ- عا مۇشە ەلدەردىڭ ءبىلىم جانە عىلىم مينيسترلەرىنىڭ كەزدەسۋىندە بولەك قارجىلاندىرۋ ەسەبىنەن بىرلەسكەن عىلىمي گرانتتار باعدارلاماسىن ىسكە قوسۋعا كەلىستى.

جىل سوڭىنا قاراي بارلىق قاجەتتى قۇجاتتار دايىندالىپ، بىرلەسكەن عىلىمي زەرتتەۋلەر ءۇشىن العاشقى گرانتتار جاريالانادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«ۇلكەن ناتيجەگە قول جەتكىزۋ ءۇشىن كۇش بىرىكتىرۋ كەرەك. بىرنەشە كۇن بۇرىن ءبىزدىڭ پرەزيدەنت «عىلىم جانە تەحنولوگيالىق ساياسات تۋرالى» جاڭا زاڭعا قول قويدى. كەيىنىرەك بۇل زاڭ تۋرالى ەگجەي- تەگجەيلى ايتاتىن بولامىز. ءبىز العاش رەت سالىقتىق پرەفەرەنتسيا تەتىگىن ەنگىزىپ وتىرعانىمىز. ەندى، جەكە ونەركاسىپتىك ۇيىم يننوۆاتسياعا ينۆەستيتسيا سالسا جانە ءبىزدىڭ عىلىمي ينستيتۋتتارمەن ىنتىماقتاستىقتا جۇمىس ىستەسە، وندا 0 عا دەيىن سالىق ارقىلى شەگەرىمدەر الا الادى جانە ونى كەلەسى جىلى 00 عا جەتكىزەمىز. ءبىزدىڭ مىندەت - عىلىمدى قاجەت ەتەتىن ونىمگە ينۆەستيتسيا سالۋ ءۇشىن جەكە كومپانيالارعا تارتىمدى جاعداي جاساۋ»، - دەدى ساياسات نۇربەك ەلوردادا ءوتىپ جاتقان «جوعارى ءبىلىم بەرۋ جانە ءوندىرىستى ينتەگراتسيالاۋ سالاسىنداعى ىنتىماقتاستىق» اتتى حالىقارالىق سيمپوزيۋمدا.

ءمينيستردىڭ مالىمدەۋىنشە، عىلىم قورىنىڭ فۋنكتسيالارى قايتا قارالادى. قور قاراپايىم گرانت بەرۋشىدەن ۆەنچۋرلىق فۋنكتسيونالمەن تولىعادى. ەندى قوردىڭ مىندەتى - جەكە ينۆەستيتسيالارمەن، ۆەنچۋرلىق قورلارمەن جۇمىس ىستەۋ جانە كەپىلگەر رەتىندە قىزمەت ەتۋ، سونىمەن قاتار بىرلەسكەن ۆەنچۋرلىق قورلاردى قۇرۋ ءۇشىن مەملەكەتتىك مۇمكىندىكتى پايدالانۋ.

«ينۆەستيتسيالىق قارجىلاندىرۋدىڭ تەحنولوگيالىق پرينتسيپتەرىن ءبىز ۇلكەن عىلىمعا اكەلەمىز. الەمدە بۇل پروتسەسس الدەقاشان باستالعان. قازىر تسيفرلىق وركەندەۋ زامانىندا اۋقىمدى ينۆەستورلار عىلىمي جاڭاشىلدىقتاردىڭ قۇندىلىق پەن دامي ءتۇسۋدىڭ جاڭا مۇمكىندىگى ەكەنىن جاقسى تۇسىنەدى. جاڭا زاڭدا مۇنداي نوۆەللالار وتە كوپ»، - دەيدى ۆەدومستۆو باسشىسى.

سونداي- اق، س. نۇربەك قازاقستاننىڭ ش ى ۇ- عا مۇشە ەلدەرمەن ىنتىماقتاستىقتى ىلگەرىلەتۋگە اشىق ءارى دايىن ەكەنىن اتاپ ءوتتى. ونىڭ ايتۋىنشا، وتاندىق عىلىم اشىق كەڭىستىككە شىعۋى ءتيىس.

«قازاقستاندىق عالىمداردىڭ جاڭا بايلانىستار ورناتىپ، تىلدەردى ۇيرەنۋى وتە ماڭىزدى. ءقازىر ىنتىماقتاستىق پەن ۇلكەن مۇمكىندىكتەردى پايدالانۋ ۋاقىتى. ءبىز الەمدە بولىپ جاتقان ۇلكەن يننوۆاتسيالىق تولقىنداردان ارتتا قالماۋىمىز كەرەك»، - دەپ تولىقتىردى عىلىم جانە جوعارى ءبىلىم ءمينيسترى.

بۇعان دەيىن حابارلاعانىمىزداي، ەلىمىزدەگى ۇلتتىق ۋنيۆەرسيتەتتەردە قىتاي ءتىلىن وقىتاتىن كافەدرالار قۇرىلادى.

ايتا كەتەيىك، استاناداعى ەۋرازيا ۇلتتىق ۋنيۆەرسيتەتىندە لۋ بان شەبەرحاناسى اشىلاتىنى تۋرالى جازعان ەدىك.

بۇگىن ەلورداداعى Astana IT ۋنيۆەرسيتەتىندە «جوعارى ءبىلىم بەرۋ جانە ءوندىرىستى ينتەگراتسيالاۋ سالاسىنداعى ىنتىماقتاستىق» دەگەن اتاۋمەن حالىقارالىق سيمپوزيۋم ءوتىپ جاتىر.