قاراعاندى وبلىسىنداعى كوستەنكو اتىنداعى شاحتادا بولعان اپاتتان كەنشىلەردىڭ قازا بولۋىنا بايلانىستى جالپىۇلتتىق ازا تۇتۋ جاريالانعاننان كەيىن، شانحاي ىنتىماقتاستىق ۇيىمىنىڭ (ش ى ۇ) شتاب-پاتەرىندە ۇيىمعا مۇشە مەملەكەتتەردىڭ تۋلارى جارتىلاي تومەن ءتۇسىرىلدى، دەپ حابارلايدى Kazinform.
29- قازان، جەكسەنبى كۇنى تاڭەرتەڭ بەيجىڭدە قازاقستاندا قازا تاپقان كەنشىلەردى ەسكە الۋ ماقساتىندا ش ى ۇ- عا مۇشە مەملەكەتتەردىڭ تۋلارىن ءتۇسىرۋ ءراسىمى ءوتتى.
شانحاي ىنتىماقتاستىق ۇيىمى - قازاقستان رەسپۋبليكاسى، قىتاي حالىق رەسپۋبليكاسى، قىرعىز رەسپۋبليكاسى، رەسەي فەدەراتسياسى، تاجىكستان رەسپۋبليكاسى جانە وزبەكستان رەسپۋبليكاسى قۇرعان تۇراقتى جۇمىس ىستەيتىن حالىقارالىق ۇكىمەتارالىق ۇيىم.
2017-جىلى ۇيىمعا مۇشە مەملەكەت مارتەبەسى ءۇندىستان رەسپۋبليكاسى مەن پاكىستان يسلام رەسپۋبليكاسىنا بەرىلدى. 2023-جىلى يران دا ش ى ۇ- عا رەسمي تۇردە قوسىلدى.
ش ى ۇ- نىڭ شتاب-پاتەرى بەيجىڭدە ورنالاسقان.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.