ش ى ۇ سامميتى: ەل باسشىلارىن قارسى الۋ ءراسىمى اياقتالدى
استانا. KAZINFORM - استاناداعى تاۋەلسىزدىك سارايىندا شاڭحاي ىنتىماقتاستىق ۇيىمىنىڭ سامميتىنە قاتىسۋشىلاردى قارسى الۋ ءراسىمى اياقتالدى.
ەڭ الدىمەن مەملەكەت باسشىسى قاسىم-جومارت توقايەۆ ءۇندىستان رەسپۋبليكاسىنىڭ سىرتقى ىستەر ءمينيسترى سۋبرامانيام دجايشانكاردى قارسى الدى جانە سۋرەتكە ءتۇسىپ، قول الىستى. وسىدان كەيىن پرەزيدەنت مارتەبەلى مەيماندى كونفەرەنتسيا زالىنا شىعارىپ سالدى.
ودان كەيىن تاۋەلسىزدىك سارايىنا قىرعىز رەسپۋبليكاسىنىڭ پرەزيدەنتى سادىر جاپاروۆ كەلدى. باۋىرلاس ەلدەردىڭ باسشىلارى ءراسىم كەزىندە از-كەم تىلدەسىپ ۇلگەردى.
سونىمەن بىرگە، ش ى ۇ سامميتىنە پاكىستان يسلام رەسپۋبليكاسىنىڭ پرەمەر- ءمينيسترى شاحباز شاريف كەلدى. قازاقستان مەن پاكىستان ۇيىمدار اراسىنداعى ءوزارا ءىس- قيمىلىن، سونداي- اق ەكىجاقتى ساۋدا- ەكونوميكالىق، كولىك- لوگيستيكالىق جانە گۋمانيتارلىق ىنتىماقتاستىعىن دامىتۋدا. IT- يندۋستريا جانە قارجى سالاسى دا پەرسپەكتيۆالى باعىتتار بولىپ سانالادى.
سامميت قوناقتارى اراسىندا يران پرەزيدەنتىنىڭ مىندەتىن اتقارۋشى موحامماد موحبارا بار. مامىر ايىندا يران پرەزيدەنتى يبراگيم رايسيدىڭ مەزگىلسىز قازا تابۋىنا بايلانىستى، ەلدە سايلاۋ ءجۇرىپ جاتىر. وتكەن جىلى يران ش ى ۇ-داعى بايقاۋشى- مەملەكەت مارتەبەسىنەن تولىققاندى مۇشەلىككە اۋىسقان ەدى.
ودان كەيىن تاۋەلسىزدىك سارايىنا وزبەكستان پرەزيدەنتى شاۆكات ميرزيەيەۆ كەلدى.
سونداي-اق ق ر پرەزيدەنتى تاجىكستان پرەزيدەنتى ەمومالي راحمونمەن قول الىستى.
شارا قوناقتارىنىڭ ءبىرى - بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو. بيىلعى سامميتتە بەلارۋس ش ى ۇ تولىققاندى مۇشەسى بولادى.
قازاقستاننىڭ تاتۋ كورشىسى - رەسەي فەدەراتسياسىنىڭ پرەزيدەنتى ۆلاديمير پۋتين تاۋەلسىزدىك سارايىنا ءوز كولىگىمەن كەلدى. پرەزيدەنت قاسىم- جومارت توقايەۆ سۋرەتكە ءتۇسۋ راسىمىنەن كەيىن مەيماندى كونفەرەنتسيا زالىنا شىعارىپ سالدى.
تاعى ءبىر ماڭىزدى قوناقتاردىڭ ءبىرى - قازاقستانعا مەملەكەتتىك ساپارمەن كەلگەن ق ح ر ءتوراعاسى شي جينپيڭ. پرەزيدەنت قاسىم- جومارت توقايەۆ مەيمانمەن ءبىراز ۋاقىت قىتاي تىلىندە اڭگىمەلەستى.
قارسى الۋ راسىمىنەن سوڭ ۇيىمعا مۇشە مەملەكەتتەردەن كەلگەن دەلەگاتسيالاردىڭ باسشىلارى بىرلەسىپ سۋرەتكە ءتۇستى.
ايتا كەتۋ كەرەك، ءىس- شاراعا قازاقستان، يران، قىتاي، قىرعىزستان، پاكىستان، رەسەي، تاجىكستان، وزبەكستان، بەلارۋس، موڭعوليا، ازەربايجان، قاتار، ب ا ءا، تۇركيا جانە تۇرىكمەنستان مەملەكەتتەرى مەن ۇكىمەتتەرىنىڭ باسشىلارى، ءۇندىستان رەسپۋبليكاسىنىڭ سىرتقى ىستەر ءمينيسترى، سونداي- اق ب ۇ ۇ باس حاتشىسى، ش ى ۇ باس حاتشىسى مەن شىۇ وڭىرلىك تەرروريزمگە قارسى قۇرىلىمىنىڭ اتقارۋشى ديرەكتورى، ت م د، ە ى ۇ، ا و س ش ك، ۇ ق ش ۇ، ە ە ك جانە ا ق ي ۇ سياقتى حالىقارالىق ۇيىمداردىڭ باسشىلارى قاتىسادى.
ش ى ۇ ءسامميتى العاش رەت «ش ى ۇ- عا مۇشە مەملەكەتتەر باسشىلارى كەڭەسىنىڭ وتىرىسى» جانە «ش ى ۇ+» كەزدەسۋى فورماتىندا وتەدى.
ەسكە سالساق، 3-4-شىلدە كۇندەرى استانادا شاڭحاي ىنتىماقتاستىق ۇيىمىنىڭ ءسامميتى ءوتىپ جاتىر. بۇگىنگى وتىرىستا ش ى ۇ- عا مۇشە مەملەكەتتەر باسشىلارى ساياسي، ساۋدا- ەكونوميكالىق جانە مادەني- گۋمانيتارلىق سالالارداعى ىقپالداستىقتىڭ كوپتەگەن وزەكتى ماسەلەسىن قاراستىرادى.