ش ق و تۇرعىنى جولدا جارالى جاتقان، قىزىل كىتاپقا ەنگەن قۇستى قۇتقارىپ قالدى

وسكەمەن. KAZINFORM - شىعىس قازاقستان وبلىسى گلۋبوكوە اۋدانىنىڭ تۇرعىنى جولدا جارالى جاتقان، قىزىل كىتاپقا ەنگەن قۇستى قۇتقارىپ قالدى.

گلۋبوكوە اۋدانى وپىتنوە پولە اۋىلىندا تۇراتىن ايەل ادام جولدا جاتقان دالا بۇركىتىن كورىپ قالعان. قازاقستاننىڭ قىزىل كىتابىنا ەنگەن قۇستىڭ قاناتى جارالانعانى بايقالعان.

«اۋىل تۇرعىنى بىردەن پوليتسياعا حابارلاستى. وقيعا ورنىنا ۋچاسكەلىك پوليتسيا قىزمەتكەرى ەرجان تاشانوۆ كەلىپ جەتتى. سودان سوڭ قۇس وسكەمەندەگى ۆەتەرينارلىق كلينيكاعا جەتكىزىلدى»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتىنەن.

ەندى قۇس قالاداعى سول جاعالاۋ ساياباعىندا ورنالاسقان حايۋاناتتار باعىندا وڭالتۋعا جىبەرىلەدى.

ەسكە سالساق، وسىعان دەيىن ش ق و-دا حالىقارالىق «شىعىس سالبۇرىنى» بۇركىتشىلەر فەستيۆالى وتەتىندىگى حابارلانعان.

اۆتور
تالعاتجان مۇحامەتبەك ۇلى