ش ق و-دا پروباتسيا قىزمەتكەرى پارا الىپ جاتقان جەرىنەن ۇستالدى
وسكەمەن. KAZINFORM - شىعىس قازاقستان وبلىسى ۇلان اۋدانىندا پارا العان پروباتسيا قىزمەتكەرى 12 ميلليون تەڭگە ايىپپۇل تولەۋگە مىندەتتەلدى.
ش ق و سوتى باسپا ءسوز قىزمەتىنىڭ مالىمەتىنە سۇيەنسەك، وقيعا وسى جىلدىڭ ءساۋىر ايىندا بولعان. ۇلان اۋدانىنىڭ پروباتسيا قىزمەتكەرى سوتتالعان ادامنان 400 مىڭ تەڭگە كولەمىندە پارا تالاپ ەتكەن.
- سەبەبى وعان باس بوستاندىعىن شەكتەۋ جازاسى باس بوستاندىعىنان ايىرۋعا اۋىستىرىلۋ قاۋپى بار ەدى. وسىنى بولدىرماۋ ءۇشىن ينسپەكتور ماتەريالداردىڭ سوتقا جىبەرىلمەۋىنە كومەكتەسەتىندىگىن ايتىپ، ۋادە بەرگەن، - دەلىنگەن اقپاراتتا.
پروباتسيا قىزمەتكەرى اقشانى الىپ جاتقان كەزدە ونى سىبايلاس جەمقورلىققا قارسى قىزمەت وكىلدەرى ۇستادى.
- سوت بارىسىندا پروكۋرور ينسپەكتوردى 3 جىل 6 اي مەرزىمگە باس بوستاندىعىنان ايىرۋدى سۇرادى. دەسە دە، ۇلان اۋداندىق سوتىنىڭ شەشىمىمەن ايىپتالۋشى 12 ميلليون تەڭگە كولەمىندە ايىپپۇل تولەۋگە مىندەتتەدى. سونىمەن قاتار ول كاپيتان شەنىنەن ايىرىلدى، - دەلىنگەن حابارلامادا.
ايتا كەتەيىك، پروباتسيا - ادامداردىڭ قايتا قىلمىستىق قۇقىق بۇزۋشىلىققا بارماۋى ءۇشىن مىنەز-قۇلقىن تۇزەۋگە باعىتتالعان قىزمەت ءتۇرى مەن باقىلاۋ جانە الەۋمەتتىك-قۇقىقتىق سيپاتتاعى شارالاردىڭ زاڭمەن بەلگىلەنگەن جۇيەسى. قازاقستان ت م د جانە ورتالىق ازيا ەلدەرىنىڭ ىشىندە العاشقى بولىپ پروباتسيانىڭ تولىق جۇيەسىن قابىلداعان ەل.