وسكەمەن. KAZINFORM - شىعىس قازاقستان وبلىسى گلۋبوكوە اۋدانىنىڭ تۇرعىندارى ايۋدىڭ اۋىل ىرگەسىنە كىرىپ كەتكەنىن ايتىپ، دابىل قاقتى.
گلۋبوكوە اۋدانىنا قاراستى بوبروۆكا اۋىلىنىڭ حالقى ەلدى مەكەن شەتىنە ايۋ كىرىپ كەتكەنىن جەتكىزدى. بۇل «نۇرتاۋ» دەمالىس بازاسىنىڭ ماڭى. ءتۇز تاعىسى بىرنەشە ومارتانى بۇلدىرگەن.
وسىعان بايلانىستى «ورمان جانە اڭشىلىق شارۋاشىلىعى» م م قىزمەتكەرلەرى سول جەرگە اتتاندى.
- بۇگىن ءبىزدىڭ قىزمەتكەرلەر وقيعا ورنىنا جولعا شىقتى. قوسىمشا مالىمەت ينسپەكتورلار ورالعاننان كەيىن بەلگىلى بولادى، - دەپ حابارلادى مەكەمەنىڭ جەدەل ارەكەت ەتۋ توبىنىڭ باسپا ءسوز حاتشىسى ماقسات شاكيروۆ.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан