«شۋ-بۋرىلبايتال» اۆتوجولى اقىلى جۇيەگە اۋىستى
17:41, 13 - مامىر 2025
استانا. قازاقپارات - «شۋ- بۋرىلبايتال» اۆتوجولى بۇگىننەن باستاپ اقىلى. 176 شاقىرىمعا سوزىلاتىن رەسپۋبليكالىق جول ۋچاسكەسىنەن اقى الىناتىندىعى تۋرالى حابارلامانى «قازاۆتوجول» كومپانياسى تاراتتى.
كولىك مينيسترلىگىنىڭ ءتيىستى بۇيرىعى شىعىپ، كۇشىنە ەنگەن. تولەمدى كەيىن نەمەسە الدىن الا تولەۋگە بولادى. ىڭعايلىلىق ءۇشىن ونلاين تولەم قاراستىرىلعان. بۇل رەتتە جۇرگىزۋشىلەر بالاما تەگىن جولمەن جۇرۋىنە بولاتىندىعىن دا ايتا كەتەيىك. اقىسىز جول «شۋ - قاينار - كەنەن - قاراباستاۋ - قانشەڭگەل - اقسۇيەك - بۋرىلبايتال» باعىتىمەن وتەدى. بۇل ۋچاسكەدە جەڭىل كولىكتەر ءۇشىن تولەم الىنبايدى. ال اۆتوبۋستار مەن جۇك كولىكتەرى ايلىق نەمەسە جىلدىق ابونەمەنت الۋعا ءتيىس.