ديماشتىڭ بۇگىنگى فان-كەزدەسۋىنە 40 تان استام ەلدەن جانكۇيەرلەر كەلەدى
الماتى. KAZINFORM - بۇگىن ديماش قۇدايبەرگەن Almaty Arena-دا جانكۇيەرلەرىمەن جۇزدەسەدى. فان- كەزدەسۋگە 8 مىڭعا جۋىق ادام جينالماق. ودان بولەك، 40 تان استام مەملەكەتتەن ديماشتىڭ ونەرىن سۇيەتىن تىڭدارماندار كەلەدى دەپ جوسپارلانعان.
كوپتەن كۇتكەن كەزدەسۋگە ۇيىمداستىرۋشىلار قالاي دايىندالىپ جاتىر؟ جانكۇيەرلەردى نە كۇتىپ تۇر؟ «بۇگىن LIVE» باعدارلاماسى تىكەلەي ەفيردە ءدال وسى سۇراقتارعا جاۋاپ بەردى.
- العاشىندا بۇل جاي فان-كەزدەسۋ بولادى دەپ جوسپارلانعان. ءبىراق ارتى ۇلكەن كونسەرتكە ۇلاسىپ جاتىر. سوندىقتان اياق استىنان قىزۋ دايىندىقتى باستاپ كەتتىك. بۇگىن كەرەمەت كەش بولادى. ديماش جانكۇيەرلەرىمەن ءبىراز سۇحباتتاسادى. جان-جاقتان كەلگەن تىڭدارمانداردىڭ سۇراقتارىنا جاۋاپ بەرەدى، - دەيدى كونسەرت رەجيسسەرى.
نازگۇل قارابالينا بۇگىنگى كەشتە ديماشتان بولەك تاعى قانداي جارىق جۇلدىزدار ونەر كورسەتەتىنىن ايتتى.
- بۇگىن ءبىراز كەش قوناقتارى بار. ديماش ءوزى ساحناعا بىرگە شىعايىق دەپ ارنايى ەلىمىزدىڭ جارىق جۇلدىزدارى ساكەن مايعازيەۆ، Sadraddin ،Kesh You توبى، اقبوتا-نۇر، ەرنار اماندىق، داستان ورازبەكوۆ سىندى ونەرپازداردى شاقىردى، - دەيدى ۇيىمداستىرۋشى.
ەستەرىڭىزدە بولسا، وتكەن جىلى قاراشادا ديماش قۇدايبەرگەننىڭ Stranger اتتى كونسەرتتىك شوۋى وتكەن ەدى. ءدال سول كەشتىڭ فيلم نۇسقاسى 27 -مامىردان باستاپ قازاقستاننىڭ بارلىق كينوتەاترلارىندا كورسەتىلەدى. ۇيىمداستىرۋشىلار بۇگىنگى شارادا وسى كينوتۋىندىعا اكسەنت بەرىلەتىنىن ايتادى.
ايتا كەتەيىك، بىرەر كۇن بۇرىن ديماش قۇدايبەرگەننىڭ پولشاداعى جانكۇيەرلەرى ءانشىنىڭ تۋعان كۇنىنە وراي اعاش وتىرعىزدى.
ودان بولەك، برازيليادا ديماشتىڭ سۋرەتىمەن بەزەندىرىلگەن اۆتوبۋستار پايدا بولدى.
اۆتور
ارۋجان ماحمۋت