قىتايدىڭ CCTV4 تەلەارناسى كۇز ورتاسى فەستيۆالى مەرەكەسىنەن تىكەلەي ترانسلياتسيا جۇرگىزدى. ديماش قۇدايبەرگەن وسى ەلدىڭ ءانشىسى تان ۆەيۆەيمەن بىرگە قىتاي تىلىندە «Thousands of Miles, a Common Dream» ءانىن ورىندادى.
تاڭ ءداۋىرىنىڭ اقىنى جاڭ جيۋليننىڭ ولەڭىنە جازىلعان ەرەكشە كومپوزيتسيانى العاش رەت ديماش قۇدايبەرگەن 2020 -جىلى «ماڭگىلىك كلاسسيكا» جوباسىندا شىرقاعان بولاتىن.
ال 2022 -جىلى قىتايلىق ءانشى ينسي جان ديماشپەن بىرگە بۇل ءاندى Sailing جاڭا جىلدىق گالا- كونسەرتىندە ايتتى. 2023 -جىلى ول بۇل كومپوزيتسيانى قىتاي مەن ورتالىق ازيا ەلدەرىنىڭ حالىقتىق مادەنيەتى مەن ونەرى جىلىنىڭ اشىلۋ سالتاناتىندا جانە فۋرونگتاعى قىتاي- ورتالىق ازيا جاستار ونەر فەستيۆالىندە ورىنداعان ەدى.
بيىل ديماش قۇدايبەرگەن تان ۆەيۆەيمەن بىرگە «Thousands of Miles, a Common Dream» (مىڭ ميلگە ءبىر ارمان) ءانىن سيمفونيالىق وركەستر مەن ءارتۇرلى ەلدەردىڭ ءداستۇرلى اسپاپتارى — افريكا بارابانى، يندونەزيالىق انگكلۋنگ جانە نەپال بانسۋريىنىڭ سۇيەمەلدەۋىمەن ورىندالدى.
ەسكە سالايىق، قىتاي تۇرعىندارى وسى اپتانىڭ جۇماسىندا ەلدەگى ەڭ ماڭىزدى وتباسىلىق مەيرامدارىنىڭ ءبىرى - كۇز ورتاسى مەرەكەسىن اتاپ ءوتتى. ول اي كۇنتىزبەسى بويىنشا سەگىزىنشى ايدىڭ 15- كۇنىندە تويلانادى. بيىل مەرەكە 29 -قىركۇيەككە تۇسپا- تۇس كەلدى.
اۆتور
داۋلەت ىزتىلەۋ