ديماش قىتايداعى «التىن پاندا» پرەمياسىندا ونەر كورسەتتى

 

ديماش قۇدايبەرگەن قىتايدىڭ چىڭدۋ قالاسىندا وتكەن "Golden Panda" سىيلىعىن ماراپاتتاۋ راسىمىنە قاتىستى. 

 

ديماش قۇدايبەرگەن قىتايدىڭ چەندۋ قالاسىندا وتكەن «Golden Panda» سىيلىعىن ماراپاتتاۋ راسىمىنە قاتىستى، دەپ حابارلايدى BAQ. KZ.

كەشتىڭ فينالىندا ايگىلى قىتايلىق ءانشى ۆەي ۆەي مەن ديماش «Join Hands» سىيلىعىنىڭ باستى تاقىرىپتىق ءانىن ورىندادى.

«Golden Panda» - بۇل سىيلىقتىڭ مادەني ماڭىزىن كورسەتەتىن پاندا سيمۆولىمەن بەينەلەنگەن كينەماتوگرافيا ونەرى ارقىلى شىعارماشىلىق الماسۋدى دامىتۋعا جانە ورتاق بولاشاعى بار جاھاندىق قاۋىمداستىق قۇرۋعا باعىتتالعان حالىقارالىق شارا. بۇل سىيلىق بۇكىل ادامزاتتىڭ ورتاق قۇندىلىعىن اشاتىن ەڭ جاقسى فيلمدەردى تاڭداپ، باعالايدى.

ديماش قىزىل كىلەمدە ايگىلى قىتاي ءانشىسى ۆەي ۆەيدىڭ بىرگە ءجۇرىپ ءوتتى. جانكۇيەرلەرىمەن امانداسىپ، «Dears-قا دەگەن سۇيىسپەنشىلىكپەن» دەگەن قولتاڭبا قالدىردى.

كەشتىڭ فينالىندا ۆەي ۆەي مەن ديماش «Golden Panda Awards 同行 Join Hands» سىيلىعىنىڭ باستى تاقىرىپتىق ءانىن ورىندادى. ءتۇپنۇسقا شىعارمانى ايگىلى ۇيىمداستىرۋشى جانە ءان اۆتورى جۋ حاي جانە كومپوزيتور، وسكار سىيلىعىنىڭ مۋزىكالىق تورەشىسى نەيتان ۆانگ جازعان.

سوليستەردىڭ اۋەزدى داۋىسى ەرەكشە ۇيلەسىم تاۋىپ، بارلىق تىڭداۋشىنى تولعاندىردى.