ديماش قۇدايبەرگەندى تەربەگەن بەسىك مۋزەيگە قويىلدى

استانا. KAZINFORM - تانىمال قازاقستاندىق ءانشى ديماش قۇدايبەرگەننىڭ بالا كەزدە جاتقان بەسىگىن ەندى مۇراجايدان كورە الاسىز.

بۇل تۋرالى تانىمال جۋرناليست باۋىرجان باباجان ۇلى الەۋمەتتىك جەلىدەگى پاراقشاسىندا جازدى.

«قۇدايبەرگەن اعا مىنا بەسىكتى 1970-جىلى قانات ايتبايەۆ دۇنيەگە كەلگەندە ارنايى جاساتىپتى. كەيىن ديماش تا وسى بەسىككە بولەنگەن. اكەلى-بالالى ەكەۋى عانا ەمەس، وسى اۋلەتتىڭ 22 ادامىن تەربەگەن قۇتتى بەسىك بۇل! بۇگىن ۇلتتىق مۋزەيدە ديماشتىڭ شىعارماشىلىعىنا ارنالعان كورمە اشىلدى. كورمەگە كەلگەن جۇرتتا ەسەپ جوق. كوبى شەتەلدىكتەر. ولار ءبىزدىڭ ۇلدىڭ ءاربىر باسقان قادامىنا ءۇڭىلىپ جاتىر. كورمە 6-قازانعا دەيىن سوزىلادى. كەلىڭىزدەر، كورىڭىزدەر!»، - دەپ جازدى ول.

جەلى قولدانۋشىلارى ديماش تۋرالى جاقسى پىكىر جازىپ جاتىر. «كەرەمەت! ديماشتىڭ ارقاسىندا قازاقتىڭ ەڭ قاسيەتتى دۇنيەسىن الەم تانىپ جاتىر!»، «اۋكسيونعا سالىپ ساتسا، قانشا بولسا دا الار ەدىم انا بەسىكتى»، «تەك ءتىل-كوزدەن ساقتاسىن!» دەپ جازىپ جاتىر Facebook قولدانۋشىلارى.