ديماش قۇدايبەرگەن تاعى ءبىر ەلدە ونەر كورسەتەدى

استانا. KAZINFORM - قازاقستاننىڭ حالىق ءارتىسى ديماش قۇدايبەرگەن «مەيكين ازيا» IV حالىقارالىق ورىنداۋشىلار فەستيۆالىنە قاتىسادى.

20-22-شىلدە ارالىعىندا قىرعىزستاننىڭ چولپون-اتا قالاسىندا «مەيكين ازيا» IV حالىقارالىق ورىنداۋشىلار فەستيۆالى وتەدى.

ديماش قۇدايبەرگەن 22-شىلدە كۇنى كورەرمەندەردى ونەرىمەن قۋانتادى.

- ديماش وسى ۇلكەن مۋزىكالىق فەستيۆالدىڭ ەڭ جارىق جۇلدىزى بولادى! - دەيدى ۇيىمداستىرۋشىلار.

فەستيۆالگە 25 تەن استام ەلدىڭ ونەرپازدارى قاتىسادى.

وسىعان دەيىن ايگىلى ۆەتنام راديوسىنىڭ ديماش قۇدايبەرگەنگە حابار ارنايتىنى تۋرالى جازدىق.

راديوحابار ءانشىنىڭ ونەر جولىنا ارنالادى. اتاپ ايتساق، قىتايلىق «Singer 2017» شوۋىنداعى دەبيۋتىنەن باستاپ ءارتۇرلى مۋزىكالىق جانرلاردى قامتيتىن حالىقارالىق جەتىستىكتەرى (كلاسسيكالىقتان قازىرگى پوپقا دەيىن) قامتىلادى.