استانا. KAZINFORM - ءانشى ديماش قۇدايبەرگەن الەۋمەتتىك جەلىدە ەرەكشە وبرازداعى سۋرەت، بەينەجازبا جاريالاپ، كورەرمەندى تاڭعالدىردى.
ءتۇسىرىلىم الاڭىنداعى كادرلاردان ءانشىنىڭ ساحنالىق وبرازى ايتارلىقتاي وزگەرگەنىن بايقاۋعا بولادى. ديماش بۇل جولى تەمىر ساۋىت كيىپ، باتىر بەينەسىن سومداعان. سونىمەن قاتار قىلىشتاسۋ ونەرىن پاش ەتكەن.
- ءتۇسىرىلىم الاڭىنان سالەم، - دەپ جازدى ءانشى بەينەجازباعا.
الەۋمەتتىك جەلىدەگى وقىرمان ءانشىنى تانىماي قالعانىن جارىسا جازىپ جاتىر.
ايتا كەتەيىك، ديماشپەن كەزدەسۋ ءۇشىن لوندوندا جانكۇيەرلەر ۇزىن-سونار كەزەككە تۇردى.
ديماش لارا فابياننىڭ لوندونداعى كونتسەرتىندە ارنايى قوناق رەتىندە ونەر كورسەتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.