ديماش قۇدايبەرگەن جانكۇيەرلەرىنە العىس ايتتى

استانا. KAZINFORM - ءانشى ديماش قۇدايبەرگەن 7-ناۋرىز كۇنى تىڭدارماندارىنا جول تارتقان جاڭا تۋىندىسىنىڭ قارالامى كوبەيىپ جاتقانىنا بايلانىستى العىس ءبىلدىردى.

- جاڭا بەينەبايانىما قولداۋ كورسەتكەن بارشا جانكۇيەرلەرىمە العىس ايتقىم كەلەدى. پىكىرلەرگە قاراعاندا، مەنىڭ شەتەلدىك تىڭدارماندارىمنىڭ بەلسەندىلىگىنىڭ ارقاسىندا جاڭا بەينەبايانىمىزدىڭ تارالىمى مەن قارالىمى كوبەيىپ جاتىر، - دەپ جازدى ول الەۋمەتتىك جەلىدەگى پاراقشاسىنا.

سونداي- اق، جاقىن ارادا بەينەباياننىڭ ەكىنشى ءبولىمىن اياقتايتىنىن ايتتى.

- جاقىن دوستارىما @llightproduction جاساعان جۇمىستارىڭىز ءۇشىن العىسىمدى ايتامىن، - دەدى ديماش.

ەسكە سالا كەتەيىك، بۇعان دەيىن ديماش قۇدايبەرگەن الەمگە ايگىلى كومپوزيتورمەن جازعان العاشقى تۋىندىسىن كوپشىلىككە ۇسىنعان بولاتىن. بۇل - گرەممي سىيلىعىنىڭ ەكى دۇركىن يەگەرى، الەمگە ايگىلى پروديۋسەر ءارى كومپوزيتور ۋولتەر افاناسيەۆپەن العاشقى تۋىندىسى بولاتىن.