ديماش قۇدايبەرگەن دجەكي چاننىڭ جاڭا فيلمىنىڭ ساۋندترەگىن ورىندادى

استانا. قازاقپارات – 12-شىلدەدە دجەكي چاننىڭ كوپتەن كۇتكەن جاڭا فيلمى «اڭىز» پروكاتقا شىقتى.

فيلمنىڭ سوڭىندا ديماش قۇدايبەرگەننىڭ ورىنداۋىنداعى «بۇل ماحاببات» ساۋندترەگى شىرقالادى. ترەك مۋزىكالىق پلاتفورمالارعا 5-شىلدەدە شىقتى، دەپ حابارلايدى dimashnews.com سايتى.

دجەكي چاننىڭ ءوزى باستى ءرولدى سومداعان جاڭا فيلمنىڭ تاريحى ارحەولوگ دجەك تۋرالى جانە ونىڭ شاكىرتتەرىمەن بىرگە ارمان الەمى مەن شىندىق اراسىندا كوپىر قىزمەتىن اتقاراتىن ارتەفاكتتى قالاي تاپقانى جايىندا باياندايدى. ارحەولوگ مۇزدىق قازبالارى كەزىندە تابىلعان جادىگەرلەردىڭ تەكستۋراسى تۇسىندە كورگەن نەفريت كۋلونىن ەسكە تۇسىرەتىنىن بايقايدى.. .

«بۇل ماحاببات» ءانىن دجەكي چانمەن ۇزاق جىلدار بويى جۇمىس ىستەگەن وسكاردىڭ مۋزىكالىق تورەشىسى، ماەسترو ناتان ۆانگ جازعان. جاڭا ءان -ۆان مىرزا مەن ديماشتىڭ ءۇشىنشى بىرلەسكەن تۋىندىسى.

2020 -جىلى ديماش «اۆانگارد» فيلمىنە «باقىتتى» ساۋندترەگىن ورىندادى.