ديماش قۇدايبەرگەن بۋداپەشتكە بەت الدى
استانا. KAZINFORM - ءانشى ديماش قۇدايبەرگەن بۋداپەشتكە ۇشىپ بارادى. ول بۇل تۋرالى ءوزىنىڭ الەۋمەتتىك جەلىدەگى پاراقشاسىندا جاريالادى.
«بۋداپەشتكە ۇشىپ بارام» ، - دەپ جازعان ءانشى ۇشاق تۇسىندا تۇسكەن سۋرەتىنىڭ استىنا.
ايتا كەتسەك، ديماش قۇدايبەرگەن بۇعان دەيىن ءوز پاراقشاسىنداعى جازبالارىندا ەۋروپادا بولاتىن كونسەرتىن كۇتىپ جۇرگەنىن جازعان بولاتىن. ءانشى جۋىردا ەۋروپانىڭ ەكى مەملەكەتىندە ءوزىنىڭ جەكە كونتسەرتىن وتكىزبەك. 22-قاراشا كۇنى وتەتىن جەكە كونسەرتى چەحيانىڭ پراگا قالاسىندا بولادى دەپ جوسپارلانسا، 24 - قاراشا كۇنى گەرمانيا مەملەكەتىنىڭ ديۋسسەلدورف قالاسىندا بولماق.
ەسكە سالساق، جۋىردا فرانسيا پرەزيدەنتى ەممانيۋەل ماكرون مەملەكەت باسشىسى قاسىم-جومارت توقايەۆتىڭ قۇرمەتىنە وراي كەشە ەليسەي سارايىندا مەملەكەتتىك قابىلداۋ وتكىزگەن بولاتىن. وسى جيىندا ديماش قۇدايبەرگەن جينالعان قاۋىمدى اسەم انىمەن ءتانتى ەتتى. بۇل تۋرالى پرەزيدەنت كەڭەسشىسى - باسپاءسوز حاتشىسى بەرىك ءۋالي الەۋمەتتىك جەلىدەگى پاراقشاسىنا جازدى.
دينا عالىمجان قىزى